الخميس، 21 يونيو 2012

الظروف , كلمه تهدد حياه !!



كيف لنا أن نتعايش مع أوجاعنا التى لا تستجيب لطردنا لها ؟ 
و كيف لنا أن نطرد قليل من أحزاننا خارج إطار الحياه التى نحياها ؟ 
هل نستطيع إحياء قلوبنا من جديد ؟ 
هل بإمكاننا أن نجدد دقاتها ؟ 
و إلى أين سوف تأخذنا تلك القلوب ؟ 
فإما الطرق المظلمه و إما الطرق المؤديه لحياه تملؤها الطاقه و الحماس و الحب !! 
و لكن غالباً ما تبدأ بالثانيه و تنتهى بالأولى ! 
و الأوجاع لا تأتى إلا من الحب 


أحببت صديقاً فخانك 
أحببت حبيباً فتخلى عنك 
أحببت أخاً ففضل نفسه عليك 
أحببت حياه , فغدرت بك 
أحببت أى شئ ,, فأضطررت إلى فراقه بسبب 
(( الظروف )) 
الكلمه التى تتسبب فى إسوداد 88% من حياه الكثيرين 
الكلمه التى تباعد و لا تقرب أبداً 
الكلمه التى يضعها البعض حجه لمللهم و تلاعبهم
الكلمه التى أحياناً ما تهدم حياه جميله يمكن أن تُبنى 
الكلمه التى يهاجر بها الأحباب إلى أراضى بعيده تاركينا مستسلمين لوحدتنا 
لمــاذا نستسلم لتلك الظروف و نسمح لها بأن تسيطر على حياه لا يملكها سوانا ؟ 
لا تترك مجالاً لتلك الكلمه فى حياتك 
تخلص من جميع مشاعر العداء التى تمتلكها و أفرغها تجاه هذه الكلمه 
أنزلها منزله العدو 
فهى تهبط على حياتك و تتلاعب بها و تنقلها إلى كل سئ
إذن ,, كيف تتركها ! 
تغلب على الظروف مهما كانت 
و لا تترك حياتك مهب قرارات الظروف 
لا تترك أختياراتك مرهونه بإراده الظروف 
ضع قراراتك التى لا تؤثر عليها الظروف 
قف أمام تلك الظروف و قاومها 
فليــس أمامك حلاَ إلا الدفاع عن أحلامك و حياتك و أبتسامتك و سعادتك
حياتنا ملك لنا و ليست ملك للظروف  




أبتسموا و أبنوا حياه أنتو مالكيها 
دافعوا عنها و عن أبتسامتكم تلك و لا تسمحوا لشئ أن يمحوها :) 


لـــ ياسمين جمال 
21\6\2012

14 التعليقات:

richardCatheart يقول...

جميل جدااااااااا لكن الظروف هى القدر او بمعنى اصح واوضح ربنا بيسبب الاسباب لأتمام قضائه اى كان فتكون الظروف لن تختفى الظروف ولن تتبخر لكن ربما استطعنا الهروب منها احيانا لو لبعض الوقت جميل جدا كلامك :)

yasmeen gamal khodeer يقول...

أنا أقصد أننا نتغلب على الظروف و منخليهاش تبقى السبب فى تعاستنا ,, الظروف هى الحاجه الى بتقف فى طريق الواحد انما القدر هو الامر الواقع و بيكون حصل
الظروف شئ بنخاف منه فمبنعملش الى احنا عاوزينه بسببه ,, انما القدر امر واقع حصل
:) مرسي . . منور \ ه المدونه

Amira Ahmed يقول...

حلوة اوووووووووووى يا ياسمين بس بصراحة مش بحب كلمة الظروف دى بتخلى الواحد متكاسل ويرمى كل حاجه عليها
وربنا ادانا عقل عشان نفكر ونبدع ازاى نعيش حياتنا صح

تحياتى لكٍ ومزيد من التقدم والإبداع:))))

إيمي يقول...

أعجبتني مدونتك ..

سلامي

yasmeen gamal khodeer يقول...

مهى الظروف كلمه سلبيه للاسف علشان كده لازم نشيلها من حسابتنا خالص و حياتنا كلها :) ,, مرسي يا ميرو ربنا يخليكي ,, منوره يا روحى ^_^

yasmeen gamal khodeer يقول...

منوره يا ايمي :)

ِAbu bakr alfar يقول...

بجد كلامها حلو أوي ....... و نقول : من ابداع لابداع .... استمري :D

yasmeen gamal khodeer يقول...

:D ,, مرسي يا انج ربنا يخليك :)

ِAbu bakr alfar يقول...

العفو ..... و والله كلامي مش مجاملة

أحمد أحمد صالح يقول...

أولا الموضوع ذكي جدا و جميل جدا،ثانيا أحببت روح التحدي و التفاؤل في كلماتك..ثالثا..اذا كان جوانا جرح او في فكرة سيئة في دماغنا مش عارفين نتخلص منهاأحسن طريقة نسيبها مكانها و نمشي أحنا !! ومع الوقت هتحس انها منبوذة فهتتلاشى..دوما في انتظار جديدك..تحياتي

NoNa AnGeL يقول...

:))

habiba يقول...

موضوع جميل اوى...تســلم إيدك
الظروف إما نســتغلها لصالحنا أو لا نتركها تؤثر علينا سلبًا

أسماء علي يقول...

اقتباس

فليــس أمامك حلاَ إلا الدفاع عن أحلامك و حياتك و أبتسامتك و سعادتك
حياتنا ملك لنا و ليست ملك للظروف
...

الحياة بالنسبالي لازم فيها شوية مقاوحة .. لأنها بجد لو سهلة مش هتعجبنا ..

وفي عز المقاوحة لازم نضحك حتى لو من نفسنا :)

Śђąžล ฬąђ٤єĐ ♥ يقول...

حبيت التفاؤل والإصرار اللي ماليين كلامك :)
بس الظروف مش مجرد كلمه
أوقات كتير بتكون واقع بنضطر نعيشه بكل تفايله
مبسوطه اني هنا :)

إرسال تعليق