لوحات فنيه , :)

ماذا تعني ( نحن نختلف عن الاخرون ) ؟؟
أرى فى تلك الجمله جانب صحيح 100 % , و تفسيري ..
لكل واحد فينا شخصيته الى ليها ايجابياتها و ليها سلبيتها
لكل واحد فينا اسلوبه فى الحياه الى ليه ايجابياته و ليه سلبياته
لكل واحد فينا مشاعر الى ليها قلب و ليها عقل
لكل واحد فينا نظره الى بتكون يا مبعديه يا تحت رجليه

لكل واحد فينا طاقه الى بتكون ياما بعد نص ساعه و تقولك البطاريه فارغه

او الى بتعد بالسنين متقولش لازم قطع غيار ..
كل واحد فينا لوحه لو مسكنا كل لوحه هنستمتع بيها و بتفاصيلها و بالتعمق فى جوانبها

لكن اللوح تختلف فى لوحه 3D  و فى لوحه عاديه ,,
فى لوحه الوانها جميله جدا و الاسود مجرد لون يحدده ..
و لوحه تانيه كلها سودا و الالوان بتحدد بعض جوانبها ,,

فى لوحه تشوفها تحب الحياه و تديك الامل و التفاؤل .. :)
و لوحه تشوفها تكره نفسك و تفشي فىك التشاؤم و الضيق .. :S
فى لوحه مجرد متنقل على اللوحه الى بعدها متفتكرش كان فيها ايه! ..
و لوحه تانيه لو شوفت مليون لوحه بعدها عمرك متنسى تفصيل من تفاصيلها !..
فى لوحه هتعينها جنب حوض المطبخ ..
و فى لوحه هتعينها فى صندوقك العاج الى اشتريته من اسبانيا ..
فى لوحه كل يوم تتمسح و تترسم فيها حاجه غير الى فاتت ,,
و فى لوحها مبادئها عمرها متتمسح و مهما مر الزمن بتفضل زى ما هى ..
فى لوحه ورقها رقيق من اقل حاجه هتتقطع و عمرك ساعتها مهتشوفها زى مكنت بتشوفها الاول ,,

و فى لوحه ورقها كانسون شخبط فيها برحتك لان مش سهل تتقطع ..

فى لوحه تتبروز و فى لوحه تترمى فى الباسكت ,,

و فى الاخر كلنا عباره عن لوحات فنيه و لكن تختلف فى مواصفتها الفنيه ,,
يا تري تحب شكل لوحتك ازاى ,, ؟؟

رسمها ..

دى متعتك الوحيده الى بتترتب عليها حياتك

 لحد متقول اشهد ان لا اله الا الله و ان محمد رسول الله

فانوسي .. الى جدو جبهولى ..

فانوسي ,,

الفوانيس بقت اشكال و الوان اشي صنع فى الصين و اشى صنع فى تايوان

لكن انا لفانوسي شروطه الخاصه ,, تطلع تنزل لازم حاضره ,,

ولا يكون كرومبو و لا بطوط و لا يغنى ماكرينا و لا ظلموه ..

فانوسي يغنى حلو يا حلو ان مكنتشي . فثانك يو ..

فانوسي مبينورشى بزرار ده لازمله شمعه ملحوقه بباب ..

و ان مكنش الباب ده حديد فخدو بدلو من عند عم عيد ...

فانوسي ده مش اى فانوس ده لازم جدو الى يجبهولى ..

الو يا جدو فين فانوسي ,,, بشمعه و باب و لونه فيروزي..

عاوزاه فى شنطه مش كرتونه و يكون ازازه معليهوش صوره ..

انا عاوزه واحد يكون قديم من ابو شمعه ده و باب حديد   

و يكون ليه حته حديد من فوق امسكها منو و الفو و ادور

 

و اغنى وراه حلو يا حلو و اقول لبابا شوفت فانوسي

ده فانوسي ميبقاش اسمو فانوس لو مكنش جدو يكون جابهولى ..

و وحوي يا وحوي  و رمضان جانا و حلو يا حلو و قولو معانا اهلا رمضان .

حلوى ,,

تمر السنوات من عمرنا ,,

تمر المراحل بأشخاصنا ,, 

كنا فى البدايه أطفالا -- ثم اصبحنا كبارا 

فهل تختفى الطفوله بداخلنا حال ما امتدت للكبر ؟ 

لا ! 

فكل كبير بداخله طفل صغير..

يحتاج من يدللــه وقت ما ,, 

يحتاج من يحنو عليه وقت أخر ,, 

يحتاج من يقف بجانبه اوقات كثيره ,, 

و لكنه طفل مدلل عندما تغمره بكل ما يريده و تعطيه اياه 

فإنه يتمرد و يريد المزيد و لا يشكر ,, 

أطفال ,, فهل نحاسبهم بالشده ؟

أم نقاطعهم باللين ؟

أم نمنع عنهم المحبه ؟ 

أن نقاطعهم باللين ..  الى ان يشتاقون الى احضان امهاتهم مره أخرى  

( فهذا هو الحل الامثل حتى لا نقسو عليهم و لا نساوى بين 

الحسن و السئ لديهم )

حينها تجد يتشبث بك لتحمله مره أخرى 

فهو يحب و يحن و لا يعرف للكره دروبا 

هكذا أري العلاقات الانسانيه !!

إذا نقصها الرفق و اللين و الرحمه ,,,, باتت علاقات فاشله !!

فليس هناك إنسان لا يحتاج الى حنان من حوله ورفقهم 

فمهما بلغت قوتنا فى مواجهه الحياه 

فهذا يعنى ان وراء كل هذا جرعه كبيره من الحنان ,, 

تجعلنا نتحمل قسوه هذا ,, و حماقه هؤلاء ,, و مكر هاتان ,, و تعنت و عند هذه 

 فالطفل اذا اعطته حلوى ظل يتذكرك طوال عمره حتى يكبر ,, !!

و ايضا الانسان اذا اعطته (الكلمه الحلوه ) ظل يتذكرك و يحبك طوال عمره 

و قد تقربك منه ايضا و تجعلك المفضل لديه ,, 

فالكلمه الطيبه مفعولها مفعول السحر 

لقد ندرت فى زمننا هذا فاصبح الجميع يقسو على من حولهم 

حتى اكاد اجزم اننى اشعر بان الناس تسير و كانها احجارا متحركه !

تمطر بعضها بالكلمات الصاعقه 

و الالفاظ الداميه 

التى تهدم كثيرا من علاقات الانسان بمن حوله 

فماذا خسرنا اذ امتلئت حقائبنا بالحلوى 

و ملئناها بالكلمات الطيبه 

الصادقه 

الصافيه 

النابعه من قلوب بيضاء لا تحمل الضغائن 

اتريد ان تكون سعيد ؟؟!! 

أسعد من حولك أولا قبل أن تسعد نفسك 

حب الناس جميعا و لا تحاول ان تكره 

عامل الجميع بطفوله و سوف تجد الحياه بصوره انقى !! 

فلتملئوا حقائب ايديكم بالكلمات الطيبه 

و لتملئوا جيوبكم بالكلمات الطيبه 

و لكن لا تكون مغلفه بالنفاق 

و لتجعلوها مغلفه ببياض قلب صافى لا يحمل الا الحب 

 **الحب **

الكلمه التى لا تصلح الا لمن يقدرها و يقدر معناها 

الصفاء 

النقاء 

التسامح 

الحنان 

الامان 

 مفاهيم لا تقتصر على العشاق بل لكل  كائن يتنفس حولك 

 

فلن تخلو حقيبتى من الحلوى و الكلمات الطيبه بعد اليوم :) 

أحبكم جميعا ,,,,