الجمعة، 15 يونيو 2012

حلاوتك يا مصر

محتار ترشح مين ؟؟

هاااااى ,, شفيق هو الحل !

مراتك شعرها بايظ و مقصف و مش لاقين حل ,

هااااااى ,, شفيق هو الحل !

أشتراك النادى بتاع الاولاد خلص و تواجه صعوبات فى تجديده 
هاااااى ,, شفيق هو الحل !

فوفو اسم النبى حارسه و صاينه عاوز بونبونى و منتاش لاقى فى السوق 
هااااااى شفيق هو الحل !

زهقت من الفورمال و نفسك ترحرح 
ما لك الا شفيق رمز البلوفر 

المطار 
المطار 
المطار 
المطار 
يلعن أم المطار على سنينه السودا الى زلنا بيها
هو مشفش مطار برلين و المطارات الى على حق و لا ايه ؟؟
ده بالنسبه للمطارات بتاعه برا ده يعتبر علبه زبادى من ام جنيه و ربع 

أنا هنجح بأصوات ستات مصر 
:D صلاه النبى طلع بتاع نسوان 
حلاوتك يا مصر و أنتى مدلعه !

طب و الله ملكمش حق عاوزين ايه اكتر من كده 
راجل شيك و ظريف و لطيف و بسكوته و بيوزع بونبونى
و بيلبس بلوفر و مش معقد و بيحب ستات مصر كلها 

ايه انتو هتطمعوا ؟؟؟ 
هو الى ماكلنا هو 
هو الى مدلعنا هو 
هو الى مهننا هو 
هو الى مظبطنا هو 
هو الى مشحورنا هو 

شوشو الشوشو أبو شوشو

مصر للجميع >>
مهرجان القرائه للجميع >>
أووووووو عمو شفيق طلع تبع طنطكو سوزى 
الله اكبر 


شفيق جوز عمه  خديجه  !! 
عادى و أيه يعنى 
ينفع بردو يسيب بنت اخو مراته تقول لعيالها ان جدهم فى السجن و سوابق ؟؟!! 
لا أكيد لأ ,, 
ينفع يسيب جوزها مضايق و نفسيته وحشه من زعله على أبوه 
يا كبد أمك يا جيمي --
و دى تيجي طبعاً لأ ,,

يومين تلاته ,, 
المخلوع هرب !
المخلوع مات !
المخلوع مريض بمرض خطير و هيموت بعد سنه ,
يبقى رأفه بحاله نخرجه و هو كده كده هيموت لوحده !
المخلوع جالو شلل ثمانى الابعاد !
المخلوع أتسخط قرد !






و خد فى سيناريوهات بقى يا عم الكامبيوتر 
لازم تسمع حاجه من الحاجات دى لو بعد الشر على مصر يعنى شفيق كسب 

و بعدين أحلى حاجه فى شوشو بقى أنو أرمل يعنى مش هيجبلنا مرات أب زى حسحس كان جايبلنا سوزى ,,, و دى الميزه ! 

مصر هتبقى ما هى الا مطار و صاله 



الاولانى كان ضربه جويه و التانى مطارات هوائيه 

و على رأى هديه ,, 
((((( يا وجعه مربربه )))))


على فكره بقى ده و لا نضيف و لا حاجه دى كلها شكليات 




ياسمين جمال 
16\6\2012


2 التعليقات:

Roody يقول...

تحفةةةةةةةةةةةةةةةةةةةةةةةةةةةةة
جامدة موت . هو ده اللى الواحد عايز يقوله.
انا قربت يجيلى نقطة من الكلام العبيط بتاع المطارات كانه كان بانى الهرم الكبير واحنا مش عارفين
واكتر ناس تنقط العالم المسهوكة اللى تقلك هتنتخبه عشان بيقول " يا افندم " فكرونى بمسلسل عايزة اتجوز فى حلقة الحرامى " ده بيقول حضرتك " واحنا عملنا زى " علا " بالظبط قلنا آمين عليه عشان بيقول يافندم
وفى لحظة كل الناس اللى ماتت واللى عينيها راحت واللى اتصابت ولا كأنهم موجودين وهما اصلا السبب فى ان كل الاشكال الغريبة اللى طلعت دى يبقى ليها صوت وياثر وياريتهم ما طلعوا من جحورهم ولا بقى ليهم صوت.
انتظر جديدك علطول
رضوى
واتمنى تشرفينى فى مدونتى
http://hekayat-roody.blogspot.com/2012_06_01_archive.html

Imane Belâbbes يقول...

فعلا احلى تدوينة قريتها عن شفيق هههههه
و اسلوب رائع
خصوصا لما الواحد يقراها و هو عارف النتيجة بقى
و ان شفيق أخد ستين مليون جزمة و سقط في الامتحانات قصدى الانتخابات

سلامي

إرسال تعليق