الجمعة، 12 نوفمبر 2010

سلوى و طنط ام سلوى !!!!!!

اولا احب اعيد تعريفى بنفسى ليكم
انا طالبه فى جامعه سينا بس مش منه لا واحد تانيه بس المهم من جامعه سينا
فى الصباح الباكر و الشمس حلوه و مفحلئه كده و رحت كليتى و جالى تليفون فوقفت على السلم علشان اطلع الموبايل و ارد
الاقى حاجه كده طلعت معرفش منين اذ خير الله ماجعله خير حارس مغاره على بابا الى فيها الكنوزززز بقى (يا حسره على الكنوز الى جوه )
لو سمحتى حاسبى من على السلم !!
منت اطلع الموبايل
يا انسه مينفعش الوقفه دى
:\ وقفه ايه دى هو انا واقفه ازاى يعنى مانا محترمه و واقفه زى الناس المحترمه اهو
يا انسه لو سمحتى حاسبى من هنا
طيب يا عم براحه علينا متزقش الله !!
و دخلنا و كملنا اليوم و بعدها بيومين عادى يعنى و انا خارجه من الكليه بكلم صحبتى و ضحكنا شويه و احنا نازلين على السلم بتاع مدخل الكليه فوقفنا منت
اقوم برضو خير الله ماجعله خير اذ بنفس الحاجه الى مورهاش حاجه غير ام السلم ده
يا انسات مينفعش الوقفه هنا ممنوع
:\ هو دى حدودو مصر مع اسرائيل و لا ايه يا جدعان حد يفهمنى ؟؟!!
انا حاسه انى لو مسمعتش الكلام ووقفت منت كمان هيكهربونى و مش بعيد يلبسونى قضيه امن دوله ايه الناس دى !!!!!
تعالى بقى لو فكرت تخش مكتبه الجامعه المحترمه المبجله و انتى انسه محترمه كده و تبصى تلاقى الناس الفاضيه الى اعده تعاكس و انتى داخله طالع عين امك علشان تدورى على مرجع و لا كتاب و مندمجه و مرهقه و حالتك بلا و يا دوب بتلحقى وقتك
تلاقى واحد ظريف لطيف خفيف
اعد بيعاكس فين ؟؟؟!!!!! فى المكتبه
اصل ممنوع الاعده على السلم و مخصصين للموضوع سيكيورتى لكن مش ممنوع المعاكسه فى المكتبه
انا بقى اقولك تعملى ايه علشان تخلصى من ام الغتاته دى
تجيبى المرجع الى فى ايدك و نقي مراجع كبيره كده اى مرجع 9000 صفحه كده و قومى درب على دماغه خلي العصافير تطلع تصوصو فوقيها و يحرم جتهم ستين نيله عيال فاضيه
هموت واعرف هما دول معندهمش ريسيرشات و محاضرات و وجع قلب زينا كده و لا هما فاضيين و لا مش مقي\دين فى الجامعه اصلا و لا ايه النظام
تعالو بقى شوفونى و انا طنط اد الدنيا و مليه مركزى
طنط طنط
اكيد ده مش انا
طنط طنط
تصدقوا شكلى انا
و ابص ورايا الاقى واحده طولى كده قلتلها انا ؟؟!!

قالتلى اه
قلتلها طنط ازاى ؟؟!! ما علينا خير
قالتلى كنت عايزه اسال عن اى معيده احياء ؟؟!!!!!!!
معيده ايه ؟؟!!
احياء ازاى ه فى ماده هنا اسمها احياء ؟؟!!!
قالتلى امال انتو عندكوا مواد ايه ؟؟؟!!!!!!!!!!!!!!!!!!
نعم هو احنا بنبيع هنا و لا ايه
قلتلها انتى ستيودنت معانا هنا ؟؟
سكتت
قلتلها ايه هو السكوت علامه الرضا و لا ايه
قلتلها انتى مين و طنط ايه و احياء ايه
قالتلى اصل انا كنت عاوزه اعرف شويه حاجات فى موضوع الذره
قلبى حد يلحقنى قبل ماتشل و انا واقفه و اجبلكوا مصيبه !!!!!!!!!!!!!!!!!!!!!!!!!!!!!!!!
ذره و عاوزه معيده احياء تهببى بيها ايه هو فى اصلا ماده اسمها احياء يا بنتى هما
و الذره دى من يوم مدخلت هنا و اسمها اتغير غيروها و الله بقت اتوم
انا بقى كنت حاسه نفسى هنديه و بتكلم مع واحده من كوكب زحل
قلتلها ممكن سؤال انتى عندك كام سنه ؟؟!!
17
طيب بتدرسى فين
لقيت واحده ست كبيره بتنده من بعيد
سلوووووووىىىىىىىىىىىى يا سلوىىىىىىىىىىىىىىىىىىىىى
طيب شكرا يا طنط باى باى بقى
و انا لسه مفقتش من الصدمه انا واقفه بستوعب لسه ايه الى جاب سلوى و ام سلوى هنا ؟؟!!!!!!!!!!!!!!!!
مين دول اصلا
احياء و ذره و معيده احياااااااااااااء!!!!!!!!!!!!!!!!!!!!!!!!!!!
حد يلحقنى ابوس ايديكو الضغط على و السكر جالى و اتشليت و فضلت متنحالى يجى ربع ساعه قبل مادخل الكليه و اقفه متنحه متهيالى كل الى رايح و الجاى اعد يتفرج عليا
و ما زال البحث جارى عن سلوى و ام سلوى !!!!!!!!!!!!
الى مشفتش وشهم بعد كده
و لو حد يعرف معيده احياء بتشرح ذره يبقى يقولى و النبى لحسن انا خايبه فى النحو خالص و
محتاجه تقويه!!
لحد دلوقتى هموت و اعرف مين دول
بس ما علينا لحسن اتشل تانى
يبقى الوضع على ما هو عليه و على المتضرر اللجوء للقضاء و حسبى الله و نعم الوكيل

السبت، 18 سبتمبر 2010

لما جيت ولعت البيت

طبعا انهارده كان اول يوم فى الدراسه الكريمه
و كالعاده و كما كنا نتوقع السيستم قافل عدى علينا بكره ان شاء الله يكون فتح !!! (شئ متوقع )
بلاش السيستم و الجامعه خالص بغض النظر عن صيدله الى كانت شبه الصحرا الى ان اعلام و هندسه كانت مقر التجمع العام
و هنا تبدا المعركه على باب المكان الى بندفع فيه المصاريف او بنديهم فيه الحوالات
لو سمحت عاوز رقم ؟!
حماده حبيب قلبى و النبى عاوز بس ادخل اسلم الورق ( قال يعنى الباقيين كلهم داخلين يلعبوا صلح )
عمو عمو لو سمحت هو الرقم ده بنعمل بيه ايه !!!!!!!!!!!!!!!!!!!
عمو !! و كمان بنعمل بالرقم ايه !!!!
كنت واقفه و اتفقعلى مرارتين
بغض النظر عن الوقفه السودا الى انتهت بكلمه
لا على فكره انتى مش  هتدخلى
الحوالات تدفعيها عند المكتب الى هنااااك
كده بقى يبقى المراره و النقطه  طيب متقول يا عم من الاول و لا لازم تعذبونا
اذهب الى صيدله المقر القومى لاشعات جامعه سيفااه
الخبر نزل ابل منروح الكليه باسبوع تقريبا و هو ان سوسو اتغيرت و جه بدالها دكتور سليوشن
و اول موصلت اكدولى الخبر
اذ اروح افوجئ بالعميده عادى جدا جدا جدا مفيش اى حاجه
يعنى ممكن بكره يموتوا الست و يمسكو جوزها عميد و ابنها وكيل و يفسحوا الاداره كلها فى كلامهم
و فى الاخر تطلع
إشعـــــــــــــــــــــــــات فى وسط فسياااااااء
و ننتقل الى الغرفه الى دخلتها و فوجئت بحاجات مطلعتش حاجات خالص
اول مدخلت دورت على التلاجه علشان احط المم فيها علشان ميبوظش
لفيت الرووم كلها على تلاجه مفيش و اتصلت بالمس مخصوص علشان اسالها على التلاجه
قالتلى ازاى مفيش تلاجه !!
قلتلها معقوله اتسرقت ؟؟!!
جت المس و لقيتها بتفتح التلفزيوون ( تلفزيون حديث ليه باب )
قالتلى مهى
قلتلها اهيه ايه يا مس انتو جايبنلى تلفزيونين و تقوليلى اهيه
قالتلى تلفزيونين ايه يا بنتى دى تلاجه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تلاجه عامله نفسها تلفزيون !!!!!!!!!!؟؟؟
المس  فطست على نفسها من تعليقاتى و مشت و انا اعدت اشوف ازاى ادخل المم فى التى فى ؟؟!!
عمرى مشوفت تلاجه رف واحد و الفريزر ميكفيش الا علبه عصيره بشاليمو
مع ملاظه ان الاخت الى معايا لسه مجتش يعنى هى كده اصلا ملهاش مكان و انا كمان محطتش الا علبه العصير الى بشاليمو و اكلتين
و الباقى المفروض اعينه فى الدولاب بقى !!!
اهم حاجه ان الرووم فيها تلاجه فى ناس و لا طالت تلاجه و لا طالت تى فى حتى ده انا فى نعمه
غير الناس الى تكيفاتها فصلت  الى سرايرها وقعت
انا حاسه ان المدينه قايله للسقوط
بس الصراحه الموضوع اتحسن عن السنه الى فاتت كتيييييييييييييييييير
و الى ان القاقكم قريباً لكم منى اطيب التحايا
و يبقى الوضع على ما هو عليه و على المتضرر اللجوء للقضاء


الخميس، 16 سبتمبر 2010

أعياد ميلادى ما يسمونه بحظ الغير و نحس النفس !!!

خرجت من الـــ17 و



 بعد كام ساعه هدخل الــــــ18


الواحد حاسس ان عنده 81 سنه مش 18 ابدا
الى شوفناه مش قليل !!!!
و كمان كام ساعه هيبقى عندى 81 سنه ده شعورى

مش هخبى عليكوا انا خايفه ادخل الجامعه اطرد
و بدل ماسجل يدونى و رقى و يمشونى
هههههههههه بصراحه يبقى ريحونى من اقناع ماما و بابا انى احول :))))
و فى كل سنه من اعياد ميلادى تحدث المصائب
فى عيد ميلادى الى فات 17 سنه الشمع كان نوع غريب مش عاوز يطفى و كل الناس اعدت تطفى مفيش فايده
لحد منزل جوه التورته و كل المعازيم بقوا فحم :((((
كلو نزل و حلف مهو حضرلى اعيد ميلاد تانى :((((
لا مش بسبب الموقف ده !! دول شافوا مصايب
عيد ميلاد سعادتى الى قبل الى فات
العيد ميلاد ال16


النور قطع و قضينا العيد ميلاد فى الضلمه على ضوء الشموع :((
عيد ميلادى الـــ15


كان عيد ميلاد ميعلم بيه الا ربنا
الدليفرى بتاع الحلوانى جابلنا التورته الساعه 1 و ربع بليل
و لما سالناه من طريقه كلامه فهمنا انو اتخطف علشان يتقشط و هو فى السكه و الله يعمر بيت الحرميه سبولى التورته
مع ان الحكايه دى مدخلتش دماغى و طبعا بابا كلم حلوانى تانى علشان يعمل تورته قالوا ميلحقش يعمل واحده
:((((((( احراج اخر حاجه كان عيد ميلاد مشاريب فقط
عيد ميــــــــلادى ال14


كان فى رمضان وبابا كان مسافر و ماما داخت علشان تجيب تورته و كلو بيقول كلمه واحده مفيش تورت احنا فى رمضان و مبنعملش تورت :((( بورسعيد عره حلوانياتها كلهم بالمنظر ده
فى الاخر ماما مغلبتش جابتلى تورته كنافه ههههههههه حطينا فيها شمعه و طفينا الشمع و اقلب يا معلم محظوظه من يومى :(
عيد ميـــــــــــــــلادى الــ13


كان اول يوم مدارس و و كان مفيش ناس فيه غير العائله الكريمه :) ربنا يخليهم
طبعا عارفين يعنى ايه ليله مدارس يعنى هم و نكد
قبل كده و الله مفكره بس اكيد كان فى كوارث :))))
بس الميزه الوحيده ان اليوم ده اى حاجه حد بيتمنهااها بتتحقق طبعا مش نظريه بس صدفه بقى من عند ربنا
الوحيييييييييييييييده الى لو اتمنت حاجه فى اليوم ده يحصل عكسها هى انا :((((((( هو انا مليش نفس زيهم
و ربنا يستر من عيد ميلا انهارده ده لانى مش مسريحاله
و هابى بيرس اى تو مى بقى :))

الأربعاء، 15 سبتمبر 2010

الموقف الى احنا فيه دلوقتى

اختى الطالبه العزيزه
فى زمننا المهبب ده و خصوصا الايام المهببه دى
داخلين على الدراسه و حاجه فله  اهو
طبعا زى اى واحده رايحه اسال عن الدراسه فى الكليه و قالو 18 \ 9
طبعا  انا نفسى يقولو 25\9 بس هما قالو 18 و خلاص امرنا للله
اذ صدفه نتصل بالمدينه فالحاجه فوفه الله يعمر بيتها تقولنا مفيش تسكين الا يوم 21 \9
هو فى ايه يا جدعان الجامعه بتشاكل علينا !!
طيب مهو الباص هيطلع من كل محافظه يوم 18 نروح نعمل ايه بقى نبات فى الشارع مثلا؟؟؟!!
حاجه عجب و الله  نتصل بالمدينه يقوللنا مفيش دراسه هتبدا سبت و حد
طيب يا ستى ماحنا عندنا تسجيل ولا منسجلش يعنى ولا ايه ؟؟!!
مفيش تفاهم هى تقريبا شكله بين المدينه و الجامعه و احنا الى واقعين فى النص
فعزيزاتى طالبات جامعتى الحبيه مفيش حل غير ان كل واحده مننا تيجى و معاها الخيمه بتاعتها
لاننا هننصبها ادام الكليه و نعمل اعتصام على هذا الموقف اللطيف الى الجامعه حطتنا فيه
طبعا متنسوش بقى نوحد لون الخيم باللون الاسود علشان بليل منبنش فى الضلمه يبقى احنا و الارض واحد

معقوله يا جدعان بقى ده كلام
نروح نبات فى الشارع يعنى


و المدينه دول اصدهم ايه من تصرفهم ده ؟؟
كل ده علشان ميبقاش عندهم زحمه تسكين فى اول يومين انما احنا و مصلحتنا فى 600 داهيه ؟؟!!!
و الله حته موقف وحش جدا جدا جدا فى حقهم
و ربنا يتولانا برحمتو و انا عن نفسى مش رايحه مع الباص الواحد مش ضامن هيبيتونا فين فلازم اعمل حسابى
دى حاجه هم و الله !!!!!


اعزائى الطالبات الحبيبات كلو فى سبيل العلم ماصل احنا داحلين جامعه المرمطه
و ربنا يخليلنا عمو سخسخ و يخليلنا الخيم قادر يا كريم
و اخى العزيز انت و هو خدوا بالكو من الموضوع ده ليطبق عليكو انتو كمان تبقى حاجه فل اوى ساعتها هتباتوا على باب الجامعه بره و تجيبوا خيم لونها اخضر علشان تبقوا انتو و النجيله واحد و كلو فى سبيل العلم برضو




و يبقى الوضع على ما هو عليه و على المتضرر اللجوء للقضاء ؟؟!!

أبوس أيديكم خلى السمستر يعدى على خير !!

فى كده بوقين كل دكتور من الدكاتره عندنا لازم يقولو
الاولانى : اقفل الموبايل قبل متدخل المحاضراه
( ابقى قابلنى يا عم ,, ده انت بتطلب كمان يقفلوه مش يعملوه سايلنت حتى ,, فى هذا العصر الموبايل هو الاكسجين )
التانى الواحد واقف يتعب علشانكو و انتو معندكمش دم و فى بق شهير لدكتور ما
( امه ساكته و مرت ابوه شايله الطين و المثل ده بيشرح الكلام الى فوق )
يقولك اقفل الموبايل و بتاع و يزعق و يشتم و يتقمص و يلف يشرح تانى
يقوم موبايله رانن !!!!

اه موبايل الدكتور !!!!!
فعيل ظريف قال للدكتور اشمعنى انت يا دكتور مهو موبايلك رن
قام الدكتور قالو عاوز ايه يا فتحى
قاله اشمعنى احنا سحبت مننا 10 جنيه علشان الموبايل رن
نسحب من حضرتك 20 جنيه و نديهم لفيونكه ( البنت الى بتلم الفلوس )
فاكرين الدكتور ده كنت حكتلكم عليه الى هو كان كل حاجه يدفع الى ادامه 10 جنيه
المهم يومها الدكتور عينو كانت بتطق شرار
و قولنا بس فتحى شال الماده !! مبروك عليه !!
قام محمدين مؤيداً لصوت فتحى ان الدكتور لازم يدفع 20 جنيه علشان هو الدكتور
و الدكتور بجلاله قدره مش قادر ير د عليهم
قام قايل انا تليفوناتى ده مهمه بيكونوا عايزنى فى حاجه ولا بتاع و كده
فأمت بنت جريئه  رمت كلمتين  مع صحبتها بس الدكتور سمعها
قالت  فهمنا ايه احنا من حاجه ده و لا بتاع ؟؟!! مش كفايه علينا مش فاهمين حاجه !!!! ( بغض النظر انى شايفه ان شرحه كان حلو )
الا ان الدكتور سمع و يومها كان مطين بطين
و انتى ايه الى مخليكى مش فاهمه مانتى حماره
ويظهر هو كان جروب اليل الادب و لسانه اطول منه هههه فواحده ردت من الجزئ الى الصف الرو التانى و قالت اهو انت
قالها طيب و الله لوريكى انت هيعمل ايه و لف و كمل شرح
المهم الحاجه و الله اهو انت جابت فى الكويزين التاليين 0 كحكه منوره التابلو كده (حاجه تشرف )
و الدكتور حرم يخش الجروب ده فاتح موبايله
اصل الجروب ده كان جروب مطلع عين الدكتره  ارفهم فى عيشتهم و كانوا كلهم من النوع المكبر ما شاء الله عليهم
كانوا بيحسسونى ان الحياه  وردى و لسه بدرى و الدنيا حلوه !!!! حاجه اخر سطل
طبعا الدكتور ده بيصعب عليا من الى عملنا فيه و كميه الشكاوى الى اتعملت فيه رغم ان خلاص اخدوا حقهم بدراعهم بس على مين
الدكتور ده دلوقتى لو جبتله سيره حرف الجروب بتاعنا ممكن يتوف عليك و يطردك و مش بعيد يتصلك بالبوليس
و كان الله فى عون الجميع الواحد معتش عارف مين غلط و مين صح
اخى العزيز \\ متنحش مع الدكتور ابوس ايدك عاوزين السمستر يعدى على خير و الدكتور يفتكرلنا حاجه عدله
اختى العزيزه \\ بلاش بقى شغل عواجيز الفرح و ترمى كلمتين من تحت لتحت كلنا بعد كده نروح فى الرجلين احنا مش ناقصين
و بعدين انتى فاكره الدكتور ده اطرش
ده سمعه 100 على 100 يا هبله لمى لسانك خلينا نجيب تقديرات بقى و نخلص
انا العزيزه \\ بطلى تنمى على الناس بقى لان شكلك مش مكمله مع الاخوه فى الجامعه دى


و يبقى الوضع على ما هو عليه و على المتضرر اللجوء للقضاء ,,,

الثلاثاء، 14 سبتمبر 2010

الى هينام يدفع 10 و الى هيسرح10 و التسعيره موحده و الشاطر هنسقفلو!!

ازيكم ييا جماعه وحشتونى كتيييييير
المهم موضوعنا انهارده عن دكتور كان طالع من الحضانه علينا عدل
اول مره دخلتلو المحاضره لقيتو بيقول بصوا بقى من الاول كده الى هيسرح فى المحاضره
هيدفع 10 جنيه و الى هينام هيدفع 10 جنيه و الى هيتكلم مع الى جنبه هيدفع 10جنيه كان ناقص يقول الى هيعمل الهوم وورك هيطلع بره و وشه للحيط و يرفع ايده طول الحصه اصدى المحاضره
المهم بقى مره واحد معروف انو بيحضر المحاضره علشان ينام فالدكتور قفشه قام و دفع للبنت الى بتلم الفلوس 10 جنيه وافتكر ان كده خلاص و راح يكمل نوم الدكتور قالو فى ايه ياابننى انت محرمتش قالو مانا دفعت خلاص يا دكتور قام ادى للبنت 10 جنيه تانيه و قالها انا هنام بقى لاخر المحاضره ام الدكتور قالو لا و الله انت فاكر نفسك فين اتفضل اطلع بره و مش هتخشلى محاضره لاخر السنه و صاحبنا شال الماده
المهم انها كانت اخر محاضره فى اليوم و كنت هموووت و انام فى محاضره واحده و الله دفعت 30 جنيه على النوم هههههههههههه كنت همووت و انام فى مرات الدكتور كان بيعديهالى لولاها كان زمنتى دفعت 200 جنيه هههههههههههههههه
المهم يا جماعه ان فى واحد نام و حط راسه على الدسك و اخر انتخه خالص اصحابه حاولو يصحوه منفعش و الدكتور بنفسه جه يصحيه برضو مفيش فايده و الله انا شكيت انو مات
ام الدكتور بص للبنت الى بتلم الفلوس و قالها عليه 50 جنيه لما يصحى ههههههههههههه
طبعا الفلوس دى بتروح فييييييين للشاطرين الى بيسمعوا كلام المستر و يجيبوا الدرجات النهائيه و يعدوا ساكتين ميعملوش دوشه
بذمتكو حد شاف كده ابل كده ؟؟؟؟؟؟؟؟؟؟؟ حاجه اخر معيله !! دى حضانه!!المهم مره كان علينا بريزنتيششن و كل واحد من الدفعه لبس الحته الى على الحبل بقى و فى ناس لبست الحبل نفسه المهم انا الى كنت عملاه و كل الجروب الباقى مكبر فكان معايا واحده صحبتى ليها اخ توام فهيا دخلتو معانا و الدكتور منبه ان لو واحد بس قدم البريزنتيشن وحش الكل هياخد صفر فنبهت على صحبتى تنبه على اخوها يذاكر الى فى البريزنتيشن كويس ,, المهم ساعة التقديم البريزنتيشن بتاعنا كان رقم2فصحبتى ندهت لاخوها قالتلو عارف البريزنتيشن عن ايه قام قالها عن ايه !!! واضح انو هيودينا فى داهيه طبعا هم محدش خسران حاجه انا الى بقالى اسبوعين تعبانه فيه و الكل حاطط رجل ع رجل
الدكتور بص كده فى ورقه البريزنتيشن بتاعنا لقانا كلنا بنات وولد واحد فاستغرب فقوم الولد
المصيبه انو كمان مش عارف رقم البريزنتيشن كام و هو كان رقم 2 فطلع و الدكتور ساله رقم البريزنتيشن بتاعكو كام قام بصلنا فصحبتى بتشاورله بايده ا برقم اتنين و انا بعمله بايدى رقم اتنين و البنت الى جنبى برضو بتعملو رقم اتنين فقام الذكى جامعهم و قال للدكتور 6

الدكتور قالو لا مفيش 6 اصلا ازاى ده !! الدكتور طلع واخد بالك قال يا ابنى ايه الى انت فيه ده معمالين يقولولك اتنين اهو قالو اه
طبعا هو مش عارف يفتح البريزنتيشن ازى اعدنا نقوله انا وصحبتى F5 دوس F5 ام جامعهم و قعد يدوس على F10 الدكتور قالو يا ابنى ايه حكايه الجمع عندك و الدكتور فتحله البريزنتيشن و المصيبه الكبرى انو مش عارف البريزنتيشن ده عن ايه اول صفحه كان فيها بسم الله الرحمن الرحيم قام شرحالنا قال طبعا فى الاول بسم اله الرحمن الرحيم و الصفحه الى بعد كده كان فيها اسامينا اعد يقرا للدكتور الاسامى بتاعتنا و الايديهات و قال طبعا دى اسامينا و ايديهاتنا
و دخل على الصفحه الى مكتوب فيها اسم الماده و معرفش يقرا اسم الماده !!!! انا قولت خلاص اخدنا الصفر لولولوى
فتح بعد كده معرفش ينطق كلمه الدكتور عايز الى يكتب فى ماده يطلع يشرح من غير ما يبص و هو مش عارفه يقرا اصلا علشان يشرح

قال للدكتور انا مش شايف الدكتور قالو تعالى مكانى طيب
قالو لالا مش شايف برضو الدكتور قالو اقف فى الحته الى تعجيك
ام قال للدكتور بص بقى انا معملتش البريزنتيشن ده معاهم و لا اعرف عنه حاجه خرجنى انا من الجروب و طلع واحده منهم تشرح قالو خش جوه يا حسحس و ادالنا احنا كلنا و حسحس معانا صفر منور كده والله احنا بقالنا يومين بنذاكر و انا اكتب و اعمل تصميم و هو فى الاخر الصفر مسوانا حاجه زى الفل
اهى دى الناس الحلوه الى مكبره الى تشرف بصحيح
و من ساعتها لو دكتور قال بريزنتيشن يبقى انا لوحدى اعملو او اجيب اتنين صحباتى بثق فيهم و بس على كده
طبعا الدكتور ده كنا احنا اول و اخر دفعه يديها عاملنا فيه شكاوى بالهبل لحد مالكليه مشيتو مداش كليه غير صيدله حتى اسنان اداهم دكتور تانى
طول عمرنا ناس محظوظه

سماحه نداله ؟؟!!!!! و ثنيه حبيبه قلب ياسو !!!!!

طبعا فى حركات نداله كتير كنا بنشوفها من صحبنا فى الثانويه العامه
ثنيه العايئه : كان من اصدقائى المقربين

أنا : ثنيه هتاخدى درس ماس عند مين
ثنيه : و الله يا ياسمين ماعرف لسه حاجه عن الموضوع ده مش عارفه هعمل ايه
انا : سالت على مدرس اسمو كذا و كذا و كذا و قالولى ان كذا حلو
ثنيه : معتقدش انى هاخد درس يا ياسو الموضوع مش محتاج
انا : ثانويه عامه و مش محتاج !!!؟؟ متهزريش يا بنتى ده مستقبل
ثنيه : بلا دروس بلا هم بكره اوريكى نتيجتى من غير الدروس
انا : طيب ربنا يوفقك
انا بقى ظبط نفسى و حجزت عند مدرس و المفروض انى رايحه اول حصه
و رحت و اذ خير الله ماجعله خير الاقيلكو مييييييييييييييين اااااعد ؟؟؟!!!!
ثنيه !!
ثنيه!!
ثنيه!!
مش دى الى مش هتاخد درس
مش دى الى هنشوف نتيجتها من غير درس
بقت اعده فى  وسط البنات هتفطس من كتر الاحراج
شويه شويه و هتنزل تحت الطربيزه
فى اخر الدرس قلتلها ثوثو حبيبة قلب ياسو و الله ايه يا بنتى انتى جايه زياره !!
البت منطقتش كلمه و كل الى نزل عليها
ياسو حبيبة قلبى و الله
ياسو حبيبة قلبى و الله
طبعا واضح جدا ان انا حبيبة قلبها و الله ههههههههههه
و طبعا بقى بعديها حاولت تصلح الموقف بقليل من الحجج الفارغه الى متمليش دماغ عيل
تعالو بقى نشوف الحاجه سماحه نداله

متستغربوش اه سماحه نداله لانها كانت اندل بنى ادمه دخلت حياتى هى وواحده تانيه بعدين احكيلكو عليها
الاندال كتير بس دول اندلهم
المهم سماحه دى المفروض اننا كنا اصحاب جامدين و بتاع بقى و انتى اكتر من اختى  و انتى اختى و حاجات كده بقى
اذ فى يوم كنا بناخد عند مس و كان شرح المس عاجبنى جدا جدا لكن الحاجه سماحه نداله قالتلى انا مش فاهمه منها حاجه يا ياسمين تعالى نروح فى مدرس احسن منها و انا علشان ابقى مع سماحه قولت لماما مش فاهمه من المس دى حاجه
و روحت مع سماحه للمدرس الى هى قالت عليه معجبنيش خالص و كان اى كلام فقولت لسماحه انا مش فاهمه منو يا سماحه معلش مش هينفع اكمل انا هضيع كده
و فعلا رجعت للمدرسه الاولانيه تانى
اذ صدفه فى وسط الكلام اعرف من المدرسه ان سماحه نداله ما زالت بتاخد عندها فى مجموعه تانيه !!!!!!!!!!!!!!
انا مش اتصدمت !!!!! انا اتبرقت !!!!!!!!!!!!!!!!!!!!!!!!!!!!!!
طيب مقالتليش ليه و لا منبهتنيش ليه و لا ايه و لا ايه ؟؟؟؟!!!!!
يوميها تقريبا جالى حاله هبل كنت بكلم نفسى
وتبقى حركات الثانويه العامه القرعه  شئ تتوارثه الاجيال و الدفعات
والى ان القاكم الحلقه القادمه لكم منى اطيب التحيا

و تمضى الايام ,,,,,,,,,,

الاثنين، 13 سبتمبر 2010

كنت فين يا ابنى و جيلى فى وش الفجر :: كنت فى الدرس يا بابا !!!!!

زماااااااااااااان كان بيتقال على الى بياخد درس ده خايب

دلوقتى تلاقى العيل كده بياخد الدرس و مفتخر اوى انو بياخد درس يعنى اكنو بيقولك انا الاول على المدرسه

لا و الجديد و الموضوه الدروس دلوقتى انواع

درس خصوصى للشرح

درس خصوصى للمسائل

درس خصوصى للمراجعه

و ده النظام بتاع الثانويه العامه

زمان بقى و احنا عيالو كنا فى الثانويه الى كانوا حضرين معايا الموضوع ده

كنا منقولش احنا بناخد درس عند مين علشان مفيش مدرس يعرف اننا بناخد درس عند مدرس تانى غيره

و طبعا لو ليسي ربنا يخليها للشعب مكناش بنحضر خالص انا من سنه 2 اعدادى مرحتش مدرسه الى فى الفاينال رغم انى كنت طالبه فى المدرسه عادى و لا كنت منازل و لا حاجه من الكلام ده علشان كده معشناش طفولتنا


الواحد بقى كان مبيلاحقش على الهوم ووركس

كان كل مدرس يطلب منو هوم وورك غير التانى فى نفس الماده مانت بتاخد 3 دروس فى الماده شيل بقى يا معلم

افتكر اننا كنت بنام 2 ساعه ايام الثانويه العامه من كتر زنقه الدروس

و تبص تلاقى العيل طالع الساعه 3 بليل من الشارع تقولو كنت فين يا ابنى يقولك كنت فى درس !!!!!

يا نهار اسود هو زنقت للدرجه دى

افتكر بقى انا ايام الامتحانات مدرس الفرنسى بتاعتى كانت بتدينى ميعاد الساعه 5 و نص الفجر اه و الله العظيم زى مبقولكو كده بالظبط

يعنى من كتر المواعيد ولا طلبه و ال مدرسين بقوا يناموا

طبعا تخش للمدرس تقولو كذا كذا يقولك روح للسكرتير

يا سلااااااااااااااام حتى المدرسين بقو بسكرتير ليه يعنى امال احنا رايحنلو ليه علشان هو الى يشرح و لا السكرتير هو الى يصحح و لا السكرتير

 
اكتر حاجه تغظنى بقى لما السكرتيره تقف عليكو و تقول محدش يغش من الى جنبو هنا


بقى تشوف حركات العيال القرعه

الى كلنا عارفينها بقى و هنكمل الحلقه الجايه كفايه كده انهارده

و الى ان القاكم بعد غد لكم منى اطيب التحيات

وتمضى الايام ,.....



الأحد، 12 سبتمبر 2010

ليديز مش فريست

تبقى انسه كده و واقفه فى المعمل و فى طابور على مثلا مركب معين علشان تحطيه فى العينه بتاعتك
و يبقى عليكى الدوووور تبصى تلاقى حد خطف من ايدك الدروبر (القطاره ) و حط قبلك و يا ريتها بنت
دى المصيبه انو ولد يعنى مفيش زوووووووووووووووق خالص
ده الاتيكيت بيقول ان لو بنت جايه بعدك خليها تحط و تمشى علشان ميصحش
انما فى جامعتنا الاتيكيت بيقول ليديز مش فرست
حاجه عجب  و الله الواحد تعب نفسيا من الى بيشوفوا
تعالى بقى وانت وانا اعده فى السكشن و لا بيا و لا عليا ابص الاقى عين متحركه بتنط من مكانها علشان تفحص الى اين وصلت فى الرسم !!!
انا كنت فى السكشن ده اول واحده اخلص و اروح
فالاخ كان مضايقو الموضوع ده و نفسه يخلص قبلى و اانا حققتلو الامنيه علشان ميروحش يفتن لطنط امه عليا (شغل كى جى بقى )
ورحت للمعيده علشان اسالها على حاجه ام هو ساااااااااااابق فاكرنى هسلم و عايز يسلم الاول و بيجرى و الله العظيم
و ام رزع الاسكتش فى وشها و الها انا خلصت الاول  قالتلو على فكره هى مش بتسلم هى بتسال على حاجه
منظرو كان وححححححححححححححححش
اجسام ناس فى كليه لكن عقل نمله سبحان الخالق !!!! اصل دى كائنات جديده اسمها حيواسان مغرقه السوق ما شاء الله حققت نجاح كبييييير و نسبه ارباح ممتازه انصحكم تغيرو انواع المساحات بتاعتكم بيها
تلاقى البنت مننا محموقه اوى لما الولد يسبقها تقول هو مفيش زوق
ليديز فرست
تعالى بقى لو شله بنات مع صبيان مطلوبين عند العميده تلاقى مبدا  ليديز فيرست اتلغى و هما بنفسهم ساعتها يطالبوا بتغيير المبدا الى ليدز مش فرست 

فبلاش تتنكى اوى و انتى بتقولى ليديز فيرست علشان هيجيلك يوم و تقولى ليديز مش فرست اتفضل حضرتك و الله
فاعملى حساب اليوم المشؤوم
وعايزاكى تلغى المبدا ده من قاموسك لانه اتلغى من القواميس البشريه و لو قولتيه هتبقى بتدنى فى مالطه
عزيزى الطالب انت زى الفل خليك فى قاموسك و امشى بمبدا ليديز مش فرست و تاكد ان الكل هينظرلك نظره احترااااام !!!!!!

و يبقى الوضع على ما هو عليه و على المتضرر اللجوء للقضاء

السبت، 11 سبتمبر 2010

روميو شايل شنطه جوليت

ازيكم كلكم


انهارده بقى هنتكلم على على موضوع مهم

كل واحده من صحباتى المرتبطات بتيجى الباص مش شايله شنطتها

كل واحد ليها واحد بيشلها شنطها ههههه

يعنى سميره معروف ان محمدين انو هو الى بيوصلها بشنطتها لحد الباص و ايه الدلع كلو ده شايلها شنطه ايدها كمان

و فتحيه حسنين شايلها الشنط و بيوصلها لحد الباص

زى ميكونوا مرتبطين علشان هو يشلها الشنظه هههههه

شيل شيل بكره تشيلك شنط العيال كمان

ما علينا تعالو بقى عند بحيره البط تبص تخش تلاقيهم اتنينات مش طابور لا
كل اتنين و اخدين بعض يقضوا لحظات رومانسيه فى بحره البط انا مره دخلت مع صحبتى حسيت ان فى حاجه غلط منظرنا مش طبيعى وسطيهم و الكل كان بيبصلنا على اننا حاله غريبه خرجت انا وصحبتى من المكان ده بس السيكيورتى لما شافنا قالنا ممنوع على فكره تدخلو قلنالو هو مسموح للمرتبطين بس و غير المرتبطين لا !!!و لا ايه (حاجه اخر مياعه )

تعالز بقى لشغل البلاكونات جوليت تطلع لروميو من بلاكونت العماره  يزمرلها وملمع الاسكوتر بتاعه و مظبطه تنزلو على طول او يشاورلها تنزل تقابلو ( مهو مفيش ظابط و لا رابط بقى )

احلى حاجه لما الواحده تبقى واقفه فى شله و يجى روميو يقف لجوليت من بعيد تلاقى النداله بقى هنا ههههه تسيبنا و تروح لروميو و المصيبه انهم كل دقيقه بيتخانقو طيب ايه الى جابركو على كده يا جدعا ن بس ماشى فى حب و كل حاجه بس مش نافور بقى و نستعبط مش نعدى الحدود و نكسر الاشارات و نقول ببحبها و بحبه كده يبقى ده استهبال و بعدين ايه معنى كلمه ارتباط دى محسسنى انها حاجه رسمى يعنى بصراحه حاجه مش مقنعه خالص و كلمه مستفزه . . اكبر دليل ان فى حاجه غلط هو ان استحاله يكون اهلك و لا اهلها يكونوا عارفين لو نفر واحد مش عارف فى عيلتكو يبقى الموضوع غلط

ما علينا سيبكو من ده و ده المصيبه ان مبقوش طلبه بس وانتو افهمو قصدى بقى واظن فى ناس ممكن تفهم قصدى و ناس لا

المهم ان فى الاخر مين الى بيشحطط فى شيل الشنطه ؟؟؟؟؟؟ هههههههههه
الغلابا الى زينا طبعا


فتحيه و فزاع ,, روميو و جوليت جامعتنا

تعالو نتفرج على قيس و ليلى بتوع جامعتنا



ادى روميو الامور



قمر قمر و الله
هى دى جوليت و لا بلاش


تبقى واقف فى امان الله لا بيك و لا عليك تلاقى اتنين مكلبشين فى بعض

و هو يا عينى متشحطط معاها

يوصلها لحد المحاضره و يدخلها المحاضره ده اذا محضرش المحاضره معاها

اما لو نفس دفعتها بيحضر كلو معاها

يوصلها لحد باب المدينه الجامعيه و يبقى هاين عليه يدخل يوصلها لحد جوه لولا السيكيورتى

و الله شوفت منظر مره كان عجيب عمال يعملها باى باى و هى لحد مدخلت المدينه تلف و تعملو باى باى ( الحب و لع فى الدره يا جماعه )

تعالو بقى شوفو جوليت الى بتعد تذاكر لروميو طول النهار و الليل و برضو مفيش فايده

البنت دى السمستر الاول نجحت فى كله انما فى التانى لما حبت روميو شالت 5 مواد

اما روميو السمستر الاول لما كان فرى شال مادتين بس و لما اتنيل على عينه و حب جوليت شال السمستر كلو ( ((((( شوفتوا الحب بيعمل ايه ) >>>>> بيولع فى الدره

فى المحاضره روميو و جوليت عايشين الدور و مبيهمهمش كلام الناس الدكتور يهاتى مع نفسه

و هم اعدين فى الركن البعيد الهادى طالبين 2 لمون و شجره

يبقى هو واقف فى اخر الدور و هى واقفه اخر الدور من الناحيه التانيه و التسبيل يشتغل

يا ابنى لم الدور و سبلو بس مش هنا مفيش فايده هى حبكت بقى

طبعا فتحيه و فزاع عايشين احلى ايام و بيشوفوا اسود ايام فى النتيجه و شكلهم هيعدوا فى الكليه دى 10 سنين و فى الاخر يشوفوا ان ربنا مش رايد و يسيبوا بعض

بعد لما يكون كل واحد فيهم عنس و عجز

اهم حاجه ان الحب الالبدى المستحيل لازم التضحيه تكون بالمستقبل
 
احب اقلكم انى بعد مكتبت الحلقه دى بيوم و الله عرفت ان فتحيه و فزاع انفصلوا و فزاع نقل من جامعتنا علشان ميبقاش فى وش فتحيه

اصحى يا سامح :: منيش رايح المحاضره :: يا ابنى انت فى المحاضره بالفعل !!

تعالى شوف الطالب الهمام عندنا بيبدا يومه ازاى


لو محاضرته الساعه 8 انسى ان يروح و احتمال يشيل الماده بسبب الغياب

و انا كان عندى محاضره بوتانى الساعه 8 والله غيبت 4 مرات لدكتور جيلان و المرتين بتوع دكتور عبير و سكشن والله كنت بروح علشان خاطر المعيد كان طيب  ههههه

فى حاله لو حضرت المحاضره تبص تلاقى كل الناس الى فى المحاضره بتتاوب و نصهم نايم على الدسكات فى واحد بقى نام و ( شخر ) ههههه الدكتوره ساعتها اتصدمت قالت للجنبو يا ابنى صحيه يا عينى الى جنبو كان مريح على البنش هو الاخر بس كان فيه الروح شويه فقال للجنبو سامح سامح اصحى وسامح مش عاوز يصحى



الدكتوره اتعصبت قالت ايه التهريج ده صحيه يا ابنى الى جنبو معرفش قامت المحاضره كلها تصحى سامح و فى الاخر سامح لما صحى و فاكر نفسه فى البيت بيقول سيبنى يا رامى كمان ربع ساعه انا مش رايح المحاضره انهارده و العجيب ان مفيش فى المحاضره حد اسمو رامى واضح انو فاكر نفسه فى البيت امت الدكتور قالتلو شوفت الى حصل مش انت جيت المحاضره

ام وقف زى الالف و كان منظره اواو خالص ههههه واضح ان رامى ده الانسان الى معاه فى السكن المهم ان الدكتوره قالتلو اسفين على الازعاج 5 دقايق و رامى يكون عندك

وفضل طول المحاضره الكل ماسك يقطع فى فروه سامح ههههههه

مره الدكتور دخلت اقسم بالله ملقت غير 13 واحد فى المحاضره و الباقى فيييييييين ؟

اكيد نايمين فى البيت مع رامى

اتفرج بقى على خط سير ال13

5 نايمين على الدسك و 5 بيتاوبوا طول مهم اعدين و واحده غلبانه فايقه غصبا عنها علشان الدكتوره تحس بالونس و 2 بيشيتو و طبعا انا بتفرج على الفيلم الحلو ده

تعالى شوف فى حاله لو الطالب الشطور محضرش محاضر 8 ووراه الساعه 11 بيصحى 11 الا دقيقتين ينط جوه الهدوم و ينزل و يربط رباط الشوز فى الطريق بس مره شوفت واحد بيلبس التيشيرت فى الطريق ده مش عارفه كان ايه نظامه كانت الساعه 11 و نص يوميها وانا مورريش محاضرات شكلو كان ناسى ان عندو امتحان

المهم بيحضر المحاضره وبرضو بيتاوب مش فاهمه ليه و يطلع من المحاضره يروح عند السوبر ماركت الكبير بتاع الجامعه الضخم ( سيكاااااااااااا) اه ده اسم السوبر ماركت بس هو مكتوب عليه سوبر ماركت بس لان الاسم معروف

بيجيب كنز و كيك و كده فطر الحمدلله

يشرب سيجارته و يعمل دماغو بقى فيييييييييييييييين ادام الكليه

عمرى مشوفت حد يشرب سيجاره ادام الكليه لا واول بقى لما دكتور يعدى تلاقى كل سجاره يا حبه عنى تحت شوز كل واحد و بتتفعص يا عينى

و يبقى الوضع على ما هو عليه و على المتضرر اللجوء للقضاء

حوادث المعامل فى كليات الصيدله \\ شئ يضحك و فى نفس الوقت خطييييير

الدنيا وردى وردى فى المعمل


طبعا فى معامل صيدله كلنا بيحصل معانا مواقف طريفه

بس فى كومنتات ليا على المواقف

يعنى مثلا اول مبخش المعمل لازم البس البالطو الابيض

بس فى ناس لاخر يوم فى السنه بينهم و بين البالطو الابيض طار ولو جابوه استحاله يلبسوه

و غالبا الصبيان هم الى بيعملو كده اتفرج بقى على الجلفز الى اوول مالدكتور يخلص شرح

تلاقى كل الصبياان واقفين طابور للمعيد عايزين ينزلوا يشتروا جلفز الله اعلم ايه غيتهم فى الموضوع ده بيحسسونى انهم رايحين الملاهى

تعالوا بقى اتفرجوا على حوداث المعمل تبقى واقف فى امان الله تبص تلاقى حاجه فرقعت فى وشك و يا تتلحق يا متتلحقش و غالبا مناظر بتوع صيدله بعد المعامل يرثى لها تلاقى الصبيان خارجين حالتهم تصعب ع الكافر عارقانين و ارفانين و منكوشين وشعرهم واقف و اذا ربنا كان بيحبه تلاقى وشه مهبب فحمه

اما البنات تلاقى البنت يا عينى الميكب ساح بقى شبه الايس كريم و الطرحه مفكوكه و الهدوم غير صالحه للبس مره اخرى ( بس على مين برضو بتتلبس )

المهم مره كنت واقفه فى امان الله فى سكشن كوجنزى و ع الى حصل و متسالنيش على حصل

كنت بسخن البودر بتاعى على الفليم و موجهه فوهه الانبوبه للولد الى جنبى ( بس و الله ماقصد ) و غليت الانبوبه 8 مرات

فى المره التاسعه بووووووووووووووووووم

الانبوبه فرقعت فى وش الولد الى جنبى ده فى امتحان الفاينال

الولد اعد يقول اه عينى عينى انا قولت يا نهار اسود رحت فى داهيه

المعيد جه يشوف الولد جراله ايه امت مستخبيه ورا المعيد اعد يقول مين الى كان جنبك و انا ورقة امتحانى فى ايدى وواقفه ورا المعيد مستخبيه الحمد لله انا كنت بسخن البودر 3 مره و انا كنت عرفت العينه بس بتاكد الت بالاها تاكيد و اسلم الورقه و اخلع قبل ماتنفض سلمت الورقه للمعيد التانى و اخدت ديلى فى سنانى و قولت يا فكيك

بس رجعت فى اخر السكشن اطمن على الحاج المريض بصلى بصه اجاركم الله اكنوا عايز يقتلنى قلت امشى باحترامى احسن هو ليه حق الصراحه بس خلاص بقى المسامح كريم بس هو كان وليد مش كريم

كويس ان الدكتور موصلهاش الموضوع ده و الا كنت شلت الماده

تعالو بقى اتفرجو على معمل السيوتكس الى بتوع سنه 2 ارفنا بيه

يخشوا المعمل يعملوا لبوس و يطلعوا و معاهم 5 6 لبوسات و الى كانت معايا فى الاوضه كانت تانيه و التلاجه اصلا مش متحمله اكل اصلا يدووب

تطلع من المعمل فضولى مكان علشان اللبوس

تخش المعمل تعمل كريم تخرج من المعمل فضولى مكان عشان الكريم

طبعا علشان الكريم بتاعها ضحيت بالعيش بتاعى

بعد كده عملتلتنا فازلين خرجت فضو التلاجه

احب اطمنكو ان اخر السنه التلاجه قلبناها صيدليه و احنا بطلنا ناكل و الحمدلله كان كل الى ليا فى التلاجه ازازه ميه

حاجه فله يعنى
و يبقى الوضع الى ما هو عليه و على المتضرر اللجوء للقضاء

سمك بالفراخ اتفرج يا سلام !!

تعالو بقى نشوف نظام الاكل هناك
فى جامعتنا العزيزه

حاجه تفتح النفس وهتشوفوا

طبعا كلنا هناك فى غربه و مش كل يوم هيجلنا نفس ناكل من الفريزر

تعالى شوف لو انتى فكرت تاكل اكل من مطعم محترم جوه الجامعه



هتروح مطعم الجامعه مع زمايلك و تعد بعد لما اعدنا و نزلنا اكل الشيف انهارده و دوق

فراخ لا اصبر على رزقك دوق حته كمان كده --------------- ده سمك

متقلقش هو مش فرخه عمله نفسه سمكه اكييد احنا مش مجانين انا دوقت الطعمين فعلا مع بعض سالنا على الاكل ده قالوللنا اكل المانى

اواواووووووووووووووو اكل المانى مين قالهم اننا عايزين اكل المانى احنا عاوزين اكل البنى ادمين الطبيعين

اليوم التانى روحت ولقيت و سط الخضار فاكهه سالت قالو ده اكل فرنسى يعععععععععععععع

و الله متنتهاش فى المطعم تانى و عمرى مهفكر ادخلو

روحت مطعم ما فى العريش ال ايه عايزه اكل >>>> ان شا الله عنى ماكلت

انا وصحبتى اعدين و بنقى الاكل من المنيو و ندهنا الجرسون صحبتى التلو عايزين واحد رز بالخلطه

قالها معندناش رز بالخلطه

قلتلوا طيب خلاص خليها مكرونه فرن قالى معندناش مكرونه

صحبتى التلو خلاص مكرونه اسباكتى الها معندناش وضحك

التلو طيب خلاص احنا مش عاوزين ولا رز و لا مكرونه لو فى رغيفين يبقى حلو قلتلو معندكوش عيش ؟؟ قال لا ده عندنا ( الحمدلله عندهم حاجه تتاكل )



صحبتى التلو طيب خلينا فى اللحوم

عاوزين 2 مكس جريل

ضحك الجرسون و قال معنديش قلتلو خلاص فراخ مشويه قال مفيش بصراحه فى ربع

كنت هقول ماشى بس لقيت صحبتى بتبصلى شزرا قلتلو لا خلاص خلاص لا يمكن اكل من غير صحبتى حببتى ههههههه

التلوا طيب خلاص مش مشكله لحوم خالص

عندك خضار ايه قال خضار سوتيه قلتلو و ايه قالى و بس قلتلو كل ده لا بصراحه بتتعبوا

قلتلو بص هات كل الى عندك بصلى كده قلتلو يا عم هات الى عندك كلو و اتكل على الله

يا ريت يبقى فى حاجه ناكلها بس

تعالو بقى اتفرجوا على الاكل الى نزلنا

ربع فرخه مشويه رغيفين عيش طاجن خضار سوتيه

و سلاطات من كل الاشكال و الالوان

انا بصيت لصحبتى كده و قلتلها شكلو مطعم سلطات هههههههههه

اكلنا و مشينا و على الى حصل بليل اتحجزت فى المستشفى


و طول مانا فى عربيه الاسعاف عماله اقول للمس شكلو كان لحم فران يا مس ههههههه

المس تقولى معلش يا حببتى

و روحت المستشفى الدكاتره الشاطرين هناك شخصوا الحاله على انها اشتنباه فى زايده

ولازم ادخل اوضه العمليات حالا لولا دكتور عندنا فى الجامعه كان معايا خرجنى على مسؤليته الشخصيه

تخيلو بقى انى قضيت اول يوم رمضان كده

بصراحه من ساعتها مبيجليش نفس اكل اتعقدت

و مليش نفس اعتب الجامعه

ويبقى الوضع على ما هو عليه و على المتضرر اللجوء للقضاء