الجمعة، 19 أبريل 2013

رسائل الذاتيه (الرساله الأولى )

















و فى بدايه رسائلي الجديه لك أيها الـــ (أنا)
سأحدثك عن فرحه أصبحت ترتبط بوجودك و تختفي بإختفائك !
فلا ترحل عني فأبات يتيمتك و يتيمه السعاده 
لا تتركني فأنت لي نفس إذا رحلت أصبحتُ جسداً مسلوب الروح 
أصبحت قدمين يتحركان و قلب يتوقف عن النبض ! 
و رغم أن رسومي كلها عنك هي خيالات لم أتمعن بها فى واقع لم يأتي بعد إلا أنني أعرفك جيداً ,,,
أستطيع أن أخبرك عنك كالعرافات تماماً ! 
حقاً أنا عرافتك و جرِبني إن شئت ! 
لا تتعجب عندما أتحدث بلسانك و تتحدث بلساني , فنحن جسدين قُسمت بهم روح واحده ! تفرقت سنوات عديده و لكنها عادت لتجتمع مره أخرى و لكن فى جسدين لا جسد واحد ! 
أنظروا أيها الأخرون الكثيرون إلى كلماتي ...................!!
فهو فقط من يستطيع أن أرحل معه إلى القمر دون ماء , دون أن أخشى الموت ! 
هو فقط من أستطاع أن يُكمل الصوره بعدما وُضعت مثيلاتها الغير متطابقه بالمره فتقطعت أطرافها فأتى هو ليصلح إطارها ثم يكملها ! 

هذا ليس حديثاً عن الحب و لكنه حديث عن الذاتيه و الروح التى أجتمعت بعدما تفرقت .... 
هذا ليس عُرضه للمزح يا ساده و ليس عرضه للتهكم ! 
إنه فقط حقيقه و واقع لم يعد لأحد أن يغيرها 

ياسمين جمال 
19\4\2013

الخميس، 11 أبريل 2013

اياي كاسكيلايا






















البنات فى شم النسيم كائنات تختلف تماماً عن الأنثى بتتحول إلى كائن مخيف حقيقى 
تلاقى البنت فى الطبيعي يعني و كده ده الطبيعي خدوا بالكو لابسه بادي كارينا اسود عليه اى حاجه ملونه على شنطه لون الكارينا و جزمه لو الاى حاجه ملونه و تلاقى 5 طرح واحده سودا و ال4 التانين لون الاى حاجه و لون الساعه و العقد  ... 
تعالوا أتفرجوا على شم النسيم للأسف فى بنات فاكره أن شم النسيم هو مراجيح مولد النبي !! أحب أصدمهم أن الموضوع هما فاهمينه غلط معلش قلبى عندك يختى انتى و هي ..
أولاً : هما فاكرين أن شم النسيم يعنى ألوان بقى هو شم النسيم الوان فعلاً بس مش ألوان تتعب الأعصاب يا حياتي 
يعنى مش تلبس 7 طرح فوشيه و اصفر و اخضر و ازرق و فوسفورى علشان ينور لما النور يقطع و تلبسي شوز أزرق بروبروأ و جيبه صفرا و بلوزه فوشيه و ساعه خضرا و كل ماسالك ايه علاقه اللون ده بالتانى تقوليلي لون الطرحه كده يا بنتى انتى بتتعبى اعصاب الناس الى هتشوفك ممكن يجلهم تشنجات عصبيه من كتر الألوان و أنتى هتفتكري نفسك وحشه و انتى ابسلوتلى مش كده يا بيبي المشكله كلها فى الاشاره الى معديه من أدامهم 
شم النسيم البنت تقولك ياااااااااااااااااااي رنجه ياااااااااااااااااي فسيخ ياااااااااااااااي سمك يععععععععععععع   
لما هو يع يختى بتجيبى بصل و لمون  و توصي عم احمد الفران على 44 رغيف ليه ؟؟؟؟ 
على فكره لو أكلتى فسيخ هتبقى بنى أدمه مش وحشه و لو مأكلتهوش مش هتبقى دى الى تخليكي بنت ناس و هاى كلاس :S  انتى فاهمه الموضوع غلط 
و النبى يختى ما تقولى ادام الناس ياااااااااااااي البصل أبو شراشيب ده أياي كاسكيليااااااااااااااا  و انتى اصلاً بتروحى لعم رجب الخضرواتى و النبى يا عم رجب فحلين بصل و حيات أبوك ......  و لا أي أندهاش أمال الاستاتيس بتاعه الصبح كل يوم شم نسيم الصبح كل سنه " ياي أنا بكره ريحه الفسيخ دى أيه الأرف ده " و أنت لو شوفتها فى نفس ذات اللحظه الى كتبت فيها الاستاتيس هتلاقيها معلقه السمكه و مسكاها من ديلها و من زعانفها و هاتك يا مسح لما السمكه بتبقى هتقولها متاكلى العضم بالمره :D ,,,,,, 

على فكره لما تاكلى اى حاجه ربنا خلقها مش هتقل منك خليكي على طبيعتك بتبقى حلوه على طبيعتك على فكره احسن بكتير من هاى و باى و ماى و فى الحقيقه انتى اباي :D  

فبلاش نضحك على بعض صدقيني كده أحسنلك 

كانت معكم جوافه هانم من عند عم سعيد الفسخانى




ياسمين جمال 
11\4\2013

أنسحاب حياه












و رغم قربهم منا إلا أن أحياناً بعضهم قد لا يشعر بنا فى أوقات نحتاج فيها غفرانهم لما بدا منا من تقصير ! 

دائماً ما تتعالى ضحِكاتنا و مُزاحنا لنتغلب على ما يتراكم خلفنا من مصائب تُحاول هزيمتنا بقدر المُستطاع و نحن نحاول تجاهل أوجاعها بقدر ما نمتلك من مزاح و ضحكات عاليه مستمره .
 حقاً إن  الحياه التى تكمن بداخلنا تموت يوماً تلو الأخر بينما هم يظنون أننا فى تحسن دائم .
 نستغيث بهم فى صمت و لكنهم لا يسمعون شيئاً و كأن أذانهم صُمت , فقط أعينهم ترى التقصير الذي يصدر منا تجاههم و يغفلون عن سبب هذا التقصير !!
 إننا نحتضر,, أنظروا لنا جيداً !
دققوا النظر فى تفاصيل حياتنا المليئه بأوجاع لا تحتمل أمثالها !!
 نحتاج لكم , لا لتوبيخكم فلتوبخوا ما جعلنا نقصر !
أنظروا لنا جيداً لا تنظروا لأنفسكم و حسب فنحن نحتاج إليكم , مشاركتكم , و قلوبكم التى قد تُخفف عنا الكثير ...
نحن نحتضر فلا تنصرفوا بأنظاركم عن الأسباب و تدققون أنظاركم فى النتائج .....
الحياه تنسحب من أجسادنا شيئاً فشيئأ و كلما تعالت الضحكات كلما زاد إنسحاب الحياه أكثر .
 فكونوا لنا إنقاذ قبل أن نُسلب الحياه بالكامل ...... 


ياسمين جمال 
11\4\2013

الثلاثاء، 9 أبريل 2013

تعالى اغسلى المواعين

















الأم المصريه تماماً تختلف عن أي أم
أنا مش هقول أنها سوبر ومان  ,, أبسلوتلي !! 
ده سوبر مان نفسه هيموت و يتجوز واحده مصريه بس هي الى مش موافقه ما علينا من الموضوع ده علشان كده سوبر مان انقرض
ما علينا برضو .,,. 
الأم المصريه هي  الى بتزعق و تشخط و تنطر و فى نفس ذات الوقت تدخل تعملك الكيك بالشيكولا الى انت بتحبه !! 
الأم المصريه هي الى تدعي على أبنها و تكره الى يقول أمين ! 
الأم المصريه هي الى تبقى دائماً ما تطبق نظريه أبنى حبيبي يا حبه عيني خش نام و على بنتها امشى انجري يا بت اغسلي المواعين و خاصه الكوبيات علشان الكوبيات دي حاجه مهمه جداً :D لا يخلو البيت المصري من الكوبيات المرصصه جنب الحوض 24 ساعه 
الأم المصريه الى تقول لجوزها أنت ليه مش بتساعدنى فى شغل البيت زي الازواج الرومانسيه و لما أبنها يتجوز تحرج عليه يساعد مراته فى أي هفوه فى شغل البيت !! 
الأم المصريه هي الى كل متشوفك قاعد أدام النت تقولك ,, بتدحك لمين يخويا مين الى بيدحكك أوي كده !  - قوم ذاكر - عيشي معانا فى الواقع النت الى انتى عايشه عليه ده عالم افتراضى و خيالى - يا أبنى الناس الى انت بتتكلم معاهم فى النت دول ناس وهميه ( فضائيين مثلاً و لا خارجين من فلم كارتون ؟ :D ) 
 الأم المصريه هي الى بتقفز من مود لمود تانى خالص فى اقل من ثواني لدرجه انك بتحس أنك أنت الى مش طبيعي !
الأبن و الأبنه المصريين هما الى يجوا يعملو يمين تتنرفز الام المصريه عليهم
يعملو شمال تشتمهم :D ,, طب يعملوا ايه !! فبالتالى وصلو لحاله دلوقتى من حالات البرود و التبلد الحسي علشان كده تحس الناس كلها ماشيه متنحه  ,,,  Iam serious يا جماعه الكلام ده completly  بيحصل  ,,,
ساعة أما تيجي تلمي الأطباق معاها تقولك لالالا (ساعات يعنى) و لو أعدتى بعدها تلاقي فى اطباق بتترزع فى المطبخ و كلام كده بيتقال متفهميش معناه بس هو فيما معناه أنك ( معندكيش دم و ممكن شويه شتيمه ميضرش )
مصر نفسها بيقلك هي ست لبسه طرحه لونها احمر و بادي كارينا ابيض عليه سويت شيرت ابيض و جيبه شلستون سوده :D عظيمه يا مصر !!!
و أخيراً و ليس بأخر ,, || الأم المصريه هي الأم الى الشبشب عندها مش مجرد حاجه تتلبس لا ده كمان حاجه بتتحدف و لا داعي للتفسير أكتر من كده :D

الأم  هي الى تفضل شايفه أبنها صغير مهما كبر ,, لأنه مهما كبر هي الى عملته ! :)
الأم  هي الي مهما الأب أتخلى و سافر عشان يجيب فلوس هي عمرها متقدر تبعد عن اولادها :)
الأم هي الى خلتني و خلتك و خلت ملايين زينا ناس ناضجه و عاقله تعرف تشل مخها و تفكيرها و تعرف يبقالها رأي أزاي


الأم هي أول حد حبك و أول حد خاف عليك ! أول حد أنت مديونله بحياتك كلها ,, أوعى تفتكر أنك بقيت بنى أدم ليه مكانه و كاراكتر و برسيج من نفسك كده لأ هي .. هي الى ساعدتك و علمتك لحد موصلتك لنفسك :) ......

الأم هي النعمه الى ربنا أداها لكل واحد فينا و حرم  البعض منها سواء بدري أو متأخر
متتكسفش أنك تبوس أيديها لأن الأيد دي هي الي خليتك بنى ادم :) ....................



رسوم : هدي علام
كتبها : ياسمين جمال