باي باي كمبوره

مضايق !!

مخنوق !!

فى حد استندل معاك !!

thanks for every thing

بلاش تبقى عبيط و تضايق لان اكيد الحد ده ميستاهلش انك تضايق !!

ممكن تقوم كده و تبص فى المرايا و تقول انا زى مانا و الى راح هو الخسران

و تقولو باي باي كمبوره

باي باي كمبوره لكل مين باعك و انت اشتريته

باي باي كمبوره لكل مين خيب املك فيه

باي باي كمبوره لكل مين مقدركش و لا احترمك

باي باي كمبوره لكل مين مخبى جواه حقد ليك

باي باي كمبوره للناس الى بتفرح لزعلك

و الناس الى بتزعل لفرحك

و الناس الى ميهدلهاش بال الا لما يجبوك الارض

و الناس الى تسيب كل الدنيا و تبص للى فى ايدك

الناس الى مورهمش غير سيرتك يتكلمو فيها و فروتك يقطعوا فيها

و خد الحاجه الكويسه من الى حصل

اولها انك اكتشفت حاجات مكنتش واخد بالك منها

تانيها هتشوف مين الى هيقف جنبك لما تقع

تالتها ان ترتيب الناس عندك هيختلف

رابعها انك فى مبادئ غلط فى حياتك هتصلحها

خامسها هيحصل تغير فى حياتك للافضل لانك اتعلمت درس

و ساعتها بس هتحس ان ربنا بيحبك لانو كشفلك كل حاجه بدل مكان زمانك مختوم على قفاك :D:D

و هتعرف انك من المحظوظين  الى اتكشف ادامهم الناس الى لابسه قناع سوبر مان و لولي الجميله و سندريلا

هتعرف ساعتها قد ايه ان انت هتبقى انسان احسن من الانسان القديم لانك اتعلمت حاجه جديده

هتعرف ساعتها قيمه نفسك لانك هتعرف تسعد ناس يستاهلو فعلا انك تسعدهم مش ناس كنت بتحاول تسعدهم و جزائك كان انك اتباعت فى اقرب مزاد روبابيكيا مرمي فيه اللعب القديمه المكسره

تعرف بقى دلوقتى  تقف تقول باى باى كمبوره

باي باي كمبوره  لكل كمبوره كرهك و مقدركش و محترمكش فى يوم من الايام

يستاهل فعلا انك تقوله

باي باي كمبوره !!!

ياسمين جمال