الأحد، 31 يوليو، 2011

مصر هى أم محمد !!

 انهارده اول مره من يوميات طالبه معتمره
مش كل رمضان بقى هعد اكلمكو عن يوميات جامعه سينا كده انا هتكلم على ناس موجوده و ممكن كده اتضرب :D
رمضان الى فات كان معظم الناس لسه ملهاش فى الفيس و الكلام ده
المهم قلت بقى اعملكو يوميات طالبه معتمره الى كانت ملياااااااااانه :D
أول يوم ليا فى مكه بعد الروحنيات الفظيعه
ناس منظمين كده و كل جروب لابس حاجه تميزه علشان ميتهش من بعضه 
 و بيعملو كل حاجه فى هدووووووء شديد و نظام شديد
و كلو بيطوف و فجأه
لقيت واحده بتنادى فى نص الطواف و تقول يا أم محمـــــــــــد و بتمد اوى فى ام محمد اكيد انتو عارفين الطريقه :D
قلت بسسسسسسسس مصريه ام محمد دى
و المصيبه انها ماشيه تدور على ام محمد وسط كل دول يعنى ماشيه بتنادى عليها اكنها بتنادى على جارتها الى فى الدور التالت :D
و فضلت تنادى على ام محمد لحد مصدعتنا و لقت ام محمد الحمدلله
 و ام محمد قالتلها ايوه يا ام ريضا اما هينا هوه و ركزو فى مخارج الالفاظ
ام رضا فضحتنا يا جدعان :D!!
المهم ام ريضا اخدت ام محـــــــمد و مشت الحمدلله
مواصفات أم محمد أيه بقى ؟؟

- قميص ابيض منقط اخضر و ازرق و احمر
- أرطه زى بتاعه أم حسين مرات البواب
- شبشب قبقاب او زنوبه اخضر او ازرق
- البؤده فى أيديها و ماشيه تقول يا حبيبى بصوت عالى جدا
- تتميز بصوت من أعلى الاصوات الى ممكن تسمعها فى الحرم الناس كلها هاديه و هى ما شاء الله سارينه !!
- تلاقيها محط انظار الجميع ! و محط علامات التعجب !! و زى ميكونو بيسالوا .. أيه ده !؟
- خد بالك من العلامه لو الارطه مصحوبه بفيونكه اذن هى دى ام محمد ( مصر ) لو من غير فيونكه يبقى تقليد :D
كنت بكلم اختى و انا اعده فى الحرم النبوى و احنا اعدين لقيت رأس داخله معانا و ضحكه عريضه
تكشف سنان مفلطحه و مفرقه و تقولى ديه ديه هو انتى مصريه زينا لسه جايه ببص بتقولى اصل يختى كلو هينه ( ترجمه كلمه هنا )
عمال يقول كلام كده مش فهمينه و بالبوس بقى و الاحضان اكنها لقت قريبتها ><  كلو كوم و كلمه ديه ديه دى كوم تانى خالص :D
تعرف أن أنت ممكن تعرف أم محمد من على بعد كيلوات مش امتار بس
أكتر صفه مميزه تعرف بيها المصريين هناك
لما تلاقى زغروطه اترقعت كده  تعرف ان ام محمد موجوده على طول
لا و بتقسم بالصلاه على النبى :D
اجمل حاجه فى ام محمد ان هدوم البيت هى هياها الهدوم الى بتنزل بيها الشارع
مبتحبش تضيع وقت 
و عمرها متستغنى عن ام رضا و لا ام رضا تستغنى عنها :D  

تعرفوا اجمل حاجه بتعجبنى فيهم ايه هى حاجه واحده ( بساطتهم ) رغم جهلهم فى حاجات كتير المفروض متتعملش 

و دى مش تريقه بس ده وصف فعلا للى شوفته بعنيا ....... 
و الى ان القاكم غدا لكم منى كل احترام و تقدير ,, :)  
,,,,,,,,,,



الجمعة، 15 يوليو، 2011

نعيب زماننا و العيب فينا !

( نعيب زماننا و العيب فينا )
الجمله التى لفتت انظار بعضنا عند سماعها
فلتنظر إليها ,,
دقق النظر فى معناها ,,
طبقها على حياتك لترى مدى صحتها أو خطأها
خلق الكون قبل ان نخلق
خلقت جميع الكائنات قبل ان نخلق
كل شئ كان على ما يرام الى ان خلقنا

فجأنا نحن ,,..,.,.,
حاولنا التطور و لكن افسدنا فى مراحل تطورنا فمثلما نقول
( جينا نكحلها عميناها )
\
حاولنا التحسين من شخصنا فدعسنا بعضنا احيانا
نعيب بعضنا و نحن نمتلئ عيوبا !!
فلماذا ننظر للأخرين و نترك أنفسنا !!
لماذا نصر على تغيير ما حولنا و لا نتطرق بمجرد التفكير للتغير من أنفسنا ؟!
(الى بيته من ازاز ميحدفش الناس بالطوب )
اذا حاول كل منا تغير نفسه فقط و ترك مهمه تغير الاخرين لانفسهم بانفسهم !
ماذا سيجدث هل سننتقص عضو من اعضائنا ..
ام ان اخراج عيوب الاخرين و ذمهم اصبحت عاده بنا نعشقها و لا نستطيع الاستغناء عنها ..
لماذا نترقب للاخرين الصغيره و الكبيره و لا نهتم بانفسنا !!
يذكرنى هذا بالمرأه التى تجلس بجانب زوجها فتقول هذه قبيحه
و هذه بدينه و هذه نحيفه و هذه شاحبه اللون و هذه و هذه و هذه
و هى فى الحقيقه بها العٍبر 


جمال الانسان بقلبه عزيزتى ليس بشكله ابدا

لماذا لا نغير ما بنا اولا و نهتم به و اذا تبقى لنا وقت ننظر لمن حولنا ,,
هذا التصرف الذى يغلب طابع الفتيات فى اغلب الاوقات
اســـــــــــــاسه
(( الغيره ))

نعم الغيره !!
فهناك فتيات تظل تقارن نفسها بكل فتاه اخرى
وللاسف هذا اكبر دليل على 3 اشياء
- عقده نقص
- غيره
- عدم ثقه بالنفس


لماذا لا تحبى الناس و تفرغي قلبك من السواد و القتامه ؟؟!!
لماذا لا تحبى الخير لغيرك قبل نفسك ؟؟!!
افعلى ذلك بصدق و ليس بالكلام فقط ,,
جربى فلن تخسرى شيئا .
جربى ان تعيشى نقيه تحبى الجميع و تحترمينهم و لا تطعنينهم فى ظهورهم و لو يوما واحد ..
تأكدى ستظل حياتك كلها نسخه من هذا اليوم
فكل شخص اولى بعيوبه ليس كل شخص اولى بعيوب الاخر ,,
كل شخص تعيبه قد يكون عند الله افضل منك !!
كل شخص تعيبه له مميزات لا تملكها انت !!

فلنعيش و نمنح انفسنا الاهتمام بدلا من اهمالها و منح الاهتمام للاخرين و عيوبهم


إهداء لكل واحده عندها عقده نقص و بتقارن نفسها بغيرها
:) اهتمى بنفسك شويه و فكك من الى حوليكى بقى ;) :D

الأربعاء، 13 يوليو، 2011

الحياه مسرح ,,

زمن مزيف ندر به عامل " الصدق "
فأسدل الستار على الحقيقه
و غممت عيناها
و القت فى سراديب النسيان
لقد تناسى الناس معنى الحقيقه ,,
صعد" الكذب" المسرح و حيى الناس
و قام بقفزتين فسفقوا له الناس و اصبح البطل
بينما البطل ( الحقيقه ) ملقى فى سراديب النسيان فى الحقيقه
فليت الناس تفيق من غفلتهــا


الأحد، 10 يوليو، 2011

مكملات و زوايا ~~

تفرقنا المسافات ,,
-
-
-
-
-
-
-
-
-



تحول بينا الساعات ,, الايام ,, الاسابيع ,, الاشهر ,,



و لكن عظمه مشاعرنا لا تظهر الا بتخطي هذه العواقب 
تظل قلوبنا على ما هى عليه  ..
تتحمل المسافات و الازمان  ..
على امل اللقاء مره اخرى   ..


-- قلوب --

تحلم كل ليله , بلقاء يجمعها بالاحباب
لقاء يعيد اليها الشعور بالدفئ و الحنان
لقاء يعنى لها الغطاء فى برد ليل الصحراء
و الماء فى ارض قفراء
فهكذا يعنى اللقاء  لقلوب العشاق

ضروره ,,
و عذابها هو أن بدونها يمكن ان يظل الانسان على قيد الحياه


يتالم كل لحظه ابتعاد و يحلم باللقاء ,,, 
فحينها يكون القلب طفل تائه يحتاج الى احضان امه



كالزهره اليابسه تحتاج الى الماء ليرويها
كالانسان بلا قلب يحتاج الى قلب لينبض
فما الحياه الا
مكملات ,,,,,,,,,,,
ففى الحساب المكملات و الزوايا المكمله

و ها نحن نطبقها على ارض واقع رحلتنا بالحياه
فلكل شئ فى هذه الحياه مكمله و لكل قلب مكمله
فاذا غابت الزاويه المكمله لا تعمل حينها الزاويه بشكل صحيح
فالمكملات لنا اشخاص غيابهم يؤثر علينا سلبا حتى و ان كان لهم عيوبهم
فحتى عيوبهم قد لا نستطيع الاستغناء عنها و عن حضورها
ان كان غيابهم ضروره خارجه عن ارادتنا
 فاللقاء حلم موجود بقوارير احلامنا التى ذكرناها فيما سبق