و لتفتح صفحات الامل يا قلبى :)

عندما أظلمت الرؤيه أمامي ,,,

و أبتعدت قلوب المقربين عنى ..

و ضاقت الطرقات من حولى ..

و أمتلأت الارض بالاشواك ..

و أمتلأت السماء بالغيمات ..

و أصــبــح ـــت ,,,,,,,,,,,

أقف وحدي بالطريق أنتظر

ضوء شمس الامل لتشرق ..

عوده القلوب المهاجره ..

وضوح الطريق امامى ..

صفوه السماء التى تغمرها ضوء شمس الامل ..

و لكن كيف الطريق إلى ما تمنيت فقلبي يضيق يوما تلو الاخر!!

فلم أجد سواه ليسمعنى ..

و لم أجد سواه ليغيثنى ..

و لم اجد سواه ليريح قلبى ..

و لم اجد سواه يغفر لي ..

و لم اجد سواه يحبنى بدون مقابل ..

و بعطينى بدون حدود ..

ربي .. ,,

أشعر بالامان  عندما ارفع زراعى الى السماء ,,

و اغمر راسي فى الارض ساجده له  ,,

فأشعر بأنه معي ,,

 فيطمئن قلبى ..

فما إن عاودنى اليأس ,, حتى اتذكر قول ربي

 (( كلا إن معى ربي سيهدين ))

فلطالما كان الله بصحبتنا طيله أوقاتنا العصيبه

و لكننا نغفل أحيانا عن هذا !!

و بالرغم من غفلتي فما زال ربي يساعدنى

فمن سواه سوف يحبنى هذا الحب

و من سواه سيظل معي حتى و ان غفلت و اخطأت

كم أحبكــ يا ربي ,,

فقد قال ربي ( إن مع العسر يسرا ))

فأنا الان على ثقه أن ربي يخبئ لي مفاجأه و فرحا قريب

فدائما الله يبتلينا بالمصائب و لكنه يفرج عنا بعدها بفرحه كبيره تكون اكبر من مصيبتنا

و تنسينا اياها ,,

فالتتذكر كل أوقات حزنك ,

فلسوف تجد أن الله يفرج عنك بعدها و يرزقك فرحه تطيب قلبك ,

حتى لحظات أنتظار الامل فان الله يهونها علينا فيقول

( و بشر الصابرين )

( إن الله مع الصابرين )

فهانت علي لحظات صبري ,,

و ها أنا أنتظر و قلبى هادئ ,,

مطمئن لوعد ربى ..

أثق بأن الله يخبئ لي فرحه قريبه ,, ستسعدنى و تعيدنى للحياه :)

فلنحسن الظن بالله

فقد نكون التهينا فى حياتنا و أراد الله ان يرجعنا اليه

لانه يحبنا

فهل هناك حب بهذا الشكل

كم أحبك ربي.

كم أحبك ,

ما ارحمك بي ! و ما اعلمك بحالى ! و ما افرطك فى عطاياك !

فلأبتسم إذن فهناك من يحب أبتسامتى ,,

و هناك فرحه قادمه فلابتسم اذن استعدادا لاستقبالها ..

الرومانسيه العصريه :D

الرومانسيه العصريه

تبص مثلا تلاقى اتنين صحاب اعدين مع بعض بيشيتو تقوم واحد رازعه التانيه جرعه حنان و يا روحى و يا عمرى و حياتى

و فى نص الكلام تلاقى الهى تولعى بجاز يا شيخه طيب و ده من ايه ده يا حاجه جمالات << هو كده و خلاص

و شوف  لو اتنين صبيان يعدو حبيبى يا ابن الـتيييييييييييييييييييييييييييييييت << تيت دى شتايم من الى قلبك يحبها :D

و عاوزك بقى تشوف لو اتنين بيحبوا بعض تلاقيهم مقطعين بعض رومانسيه كالاتى

شايفه القمر يا ليلى --- نعم يا روح امك انت شايفنى عاميه

عنيكى حلوين اوى --- احنا هنستهبل مانت عارف انهار لنسز

انا بحبك --- حب ايه جتك وكسه هتيجى تخطبنى من ابويا امته

البت دى رومانسيه اوى كده ليه :D 

شوف الحاج ده بقى 

دلعنى يا حبيبى 

جومى حضريلى الموفتيك يا وليه بلش كلام ماسخ 

انا بهزر معاكى يا بيبى عاوزه ايه بقى قولتى ؟! 

:| !! مانت خرجتها من المود خلاص استلقى وعدك بقى يا برنس 

بقولك  قوم يا منيل شوفلك شغلانه بدل مانت اعد عاطل كده و ارفنا 

حبيبى بقالك زمان مقولتليش بحبك 

بس كده عنيا يا روحى 

بحبك يا بجره 

:| !! حد يقول للى بيحبها يا بجره يا ربي الناس اتهبلت 

و لا كلو كوم و كلمه بيبى الى فى الرايحه و الجايه الكل بيقولها لبعضه دى 

يعنى تصحى الصبح تلاقى اخوك بيقولك صباح الخير يا بيبى 

يجى صحبك يكتبلك كومنت على الفيس يقولك شكرا يا بيبي

تيجى تشيت بليل مع الحاجه خطيبتك

تقولك وحشتنى يا بيبي لما تحس ان الناس كلها قلبت بيبي مره واحده

و ان معتش فى ناس كبيره خالص !!

امتى هنبطل هيافه بقى ؟؟

امتى هنبطل رخامه و تقل دم ؟؟

امتى هنبطل النفاق على الرايحه و الجايه ؟؟

امتى هنبطل يا روحى و يا عمرى و يا حياتى و انا اولكم انا صحابى كلهم بقولهم نفس التلت كلمات الله يجازى الى كان السبب :D

امته نعقل بقى و نرسي كده و نبطل تفاهه ؟؟

امته اه امته بقى ؟؟!!

و لتلكتب يا قلمى النهايه :)

و لتكتب يا قلمى النهايه :)

هو :-

جلس ليفكر طويلا,,, هل يتنازل عن كبرياءه و يعترف أنه أخطأ بحقها ؟!

هل من أحببت يا قلبى تستحق التضحيه ؟؟!!

و لكنها أخطأت أيضا ,,,

لماذا أحببتها يا قلبى و سقيتنى من كأس الفراق !

عندما أرى كلماتها المؤنبه أتراجع

و عندما أراها سعيده أحاول أطفاء سعادتها , فهل أصبح فيك يا قلبي كره لمن ملأتك يوماً بالحب ,,

و لكنها أخطأت أيضا ,,,

أيسطيع القدر أن يجمعنا مره أخرى !!

أم سأعود وحيدا مره أخرى , لحياه جافه , لا يرطبها إلا عائلتى و أصدقائي الذين خففوا عنى العذاب كلمها رأيتهم

لتجعل يا قلبي أصدقائي هم ملهاتى عنها و عن حبها ,, فلتحاول أن نتناساها ,,

فهى أخطأت أيضاً ,,,

لكننا يوماً أخطأنا أخطائها 

فهل تعمدت أن تشعرنا بخطأنا القديم ,!

و لكنى سأستطيع التخلى عنها , فأنا لست بحاجه إليها

لا ,, قد أكون ما زلت أحبها ,, أم أنه مجرد أعتياد على وجودها ؟!؟!؟!؟!؟!؟!؟

فلنرى يا زمن ما يخبئه المستقبل و قد يعوضك الله بمن هى أفضل منها ,,

فسوف تختار يا ربي الأفضل

هذا حاله طيله الوقت يطرح الاسأله و يجيب ثم يجعلها مخطئه ,, و لكن حياته العمليه تساعدته على تناسيها لحظه تلو الاخرى

فما زالت علامات التعجب تملأ عيناه و علامات الاستفهام تدور فى رأسه و لكن قد يفوت الأوان و هو ما زال يفكر

هى :-

لقد أخطأ بحقى ,,

و لم يستطيع التنازل عن كبرياءه , الذي منعه من الأعتراف بخطأه

فهل هذا حباً ,,

قد أخطأت فى القديم , و لكننى كنت أتراجع و أعتذر عن أخطائي

أتهمنى يا قلبى بأنى أستغل لحظات خطأه و كلماته لكى أجعله المخطأ

و لكنه غفل عن أن خطأه كان فى حقى , فمن منا يحب أن يخطأ من أحب فى حقه ؟! 

فهل من يحب يظن بمن أحب السووء ؟؟!

لقد نزفت يا قلبى كثيراً , و قد يكون ينزف مثلنا ,

أحياناً تبوح بأخطائه و أحيانا تصمت ,

كنت تخشى عليه من الضيق و لكنك جعلته يشعر أنه لم يخطئ

فقد أخطأت بحقى يا قلبي و لن أغفر لك خطأك

قد غفرت له كثيراً و لكنى لن أغفر لك أنت

فانت من وضعتنى هنا بين فكي الماضي

و قد يأتى يوماً ليعود من أحببت و لكن ليس من يغرقنى فى بحور أتهاماته

فمن أحببت هو من غمرنى بحنانه و ليس من غمرنى بأتهاماته

فليكن أمري بيدك يا ربي

و أنت تعلم ما بقلبى

فمن أحب يوما لا يتناسي , و من عشق يوماً لا يتنازل

و من عاش ذكري يضحى من أجلها

هذا ما أعلمه يا ربي و أنت علام الغيوب

فلن أتذكر سوي هو الذى أحبنى و سأنسى هو الذي اتهمنى !!

هكذا بقى حاليهما طيله 6 سنوات كل منهما على حاله

يعيش هو بحياه

تعيش هى بحياه أخرى

نسى الطريق إلى كوكبها

نست الطريق إلى كوكبه

لا يعرف إحداهما شئ عن الأخر

لا يسمع إحداهما خبر عن الأخر

و لكن شاء القدر أن يسمع هو أخبارها فهو لم ينساها يوماً كما أنها لم تنساه ,,

فقد تلون كوكب الزهره بالأسود و تلاشت الألوان الزهريه التى كانت تملأه

قد ملأ الكوكب بالحزن و قد أمطرت سمائه بكائاً  ,,

و عندما ذهب ليري ما القصه

و ليبحث عنها كما أعتاد بعيناه فى كل مكان

و لكن اليوم لم يجدها تبحث عنه بعيناها كما أعتاد منها فى كل مكان

فها كل سكان الكوكب أرتدو الثياب السوداء

إلى أن رأى صورتها التى فى قلبه و لكن هذه يزيد عليها الشريط الأسود !! 

فهل يا قلبى من أحببت تركتنا و رحلت ,,

تبا لها ,, فكيف تتركنا بدون إشاره

ألم تعلم أنى ما زلت أحبها  ,,

و بعد مرور السنوات تزوج هو من إحدى سكان كوكب الزهره و لكنه يعلم الأن كل قوانين كوكبها

و هى أيضا كانت تعلم كل قوانين كوكبه فلقد أحبت  يوماً و لكن الأقدار لم تشئ

و ها كل منهم يتفهم كوكب الأخر و لكن ( محدش بيتعلم ببلاش )

و عندما انجبوا ساكنه جديده من سكان كوكب الزهره سماها بأسم زهرته القديمه

فلم يعد يتذكر لها الا الخير فما تعلمه معها جعله أكثر خبره مع زهرته الجديده

و لتستمر الحياه فليست كل النهايات تنتهى كما نريد و ليست كل الامال تنقطع كما نتصور

فلنجعل أملنا دوما بالله و نحسن الظن به

و لا نستسلم لكبريائنا فقد يضيع منا أشياء جميله لا نشعر بقيمتها إلا بعد ضياعها

و لتغلق يا قلمى القصه و تكتب كلمه الى اللقاء :)

محدش يزعل على النهايه بس مش كل النهايات بتنتهى زى ماحنا عاوزين يا حلوين ;)

أنا عامل دماغ قذافى !!

الاسم : القذافى

العمر : يقال 9990 سنتيمتر مربع

محل الولاده : كوكب بلوتو

محل الاقامه : تايه من مامته و جه ليبيا غلطه

اللغه : زنجه زنجه

فصيله الدم : F

الازياء : مقدمه برعايه ستائر سيدار

زعلان !! مضايق !! مخنوق !! مهموم !! عندك مشكله عاطفيه و حبيبتك خلعت !!

و لا تزعل نفسك الحل موجود و متوافر

افتح التلفزيون كده ,,

افتح الجزيره ,, لا مش موجه كوميدى ,, الجزيره يا عم !!

اه اه الجزيره افتح بس ,,

شايف ايه ؟؟

فى واحد كده شعره منكوش اكنه صاحي لسه من النوم شايفه ؟؟

ايوه ايوه دى الى بيرزع بايده على الطربيزه

على الصوت بقى كده ,,

سامع ايه ؟؟

اكيد طبعا مش فاهم حااجه ,, كل الى هتسمعوا

ثوره ثوره ,, زنجه ونجه .. دار دار ,, بيبت بيت ,, (ده على اساس ان الدار حاجه و البيت حاجه تانيه هم نظامهم كده فى لبيا متستغربش :D )

سوف تندمون فى يوم لا ينفع فيه الندم

( اصل ام فتحى كانت هى و الواد فتحى سلفين منه 7 ريال هندى و مرضوش يجيبوا الفلوس الى عليهم فبيهددهم )

الشعب الليبى يحبنى

( معلش هو لسه صاحى من النوم فلسه بيحلم !! )

ملك ملوك افرقيا

(ده لانو كان بيجمع غطيان ازايز البيسبسى طبعا !! كل واحد يجمع عشان يكسب زيو )

شايف المنشه الى بيهش بيها الدبان اهيه فى ايدو !!

اكيد طبعا نفسك تعرف ده ايه تعالى انا اقولك

ده يا سيدى عباره عن زعزوعه القصب او عود بانجو عادى اى حاجه مش هتفرق

و بتتلف بورق سلوفان من تحت , و بعدين يمسكها عمو علشان يهش بيها الدبان

شوف بيشرحلك اهو يعنى ايه ديموقراطيه اسمع و اتعلم !! و سيبك من الكلام الفكسان الى بيدرسوهلنا فى الجامعات

اسمع يا سيدى ,,,,,,,

ديموقراطيه ,,

معناها بالانجلش ايه ؟؟

ديمموكراسي  ,, الله ينور عليك

يبقى المقصود بيها

ديمو الكراسى

يعنى من الاخر كده هو عاوز الكرسي الى كان بيعد عليه و هو صغير عارفينو ده الى بيبقى فى المطاعم

و المشكله ان امو خلفت عيل صغير و بيعد عليه فالخناقه دى كلها يا سيد الناس علشان ام الكرسي بتاعه و هو صغير فهمت بقى !!

للمراه حق الترشيح سواء كانت ذكر او انثى

بصى يا سيدى فى كل دوله فى العالم فى جنسين ذكر و انثى

لكن فى ليبيا بقى فى نظام تانى مطبقينو و هو ان الرجل بنقسم الى انثى و ذكر

و الانثى بتنقسم الى ذكر و انثى  يعنى عندهم 4 انواع فهمت يا عمنا !!

بر الوالدين اهم من امك و ابوك

بص يا عم كلنا عندنا ماما و بابا بس مش كلنا عندنا والدين فاهم حاجه تبر والديك زى مدينك قالك و بعدين نشوف صرفه لامك و ابوك فهمت كده ,, اتعلم و اتنور و ركز فى كلام الراجل الكباره ده :D
غير الفتوى بتاعه ان الجنه تحت اقدام الامهات ده مش معناها انها تحت قدم ام واحد لاااااااااااا دى تحت قدم الامهات كلهم يعنى انت مطلوب منك يا عمنا انك تبر كل امهات الكون كان الله فى عونك و الله :D:D

اطفالى الصغننين طبعا زى ماخدنا فى المدرسه لازم نغسل اى حاجه قبل مناكلها ,, بس لازم برضو نغسل اى حاجه قبل منشربها

فانت اما تاكل تفاحه تغسلها بالميه

 اما لما تيجى تشرب ميه تغسلو بالصابون

فهمت يا عمنا !! و النبى يا خويا لو جيت تطبق الكلام ده روح على ليبيا طبقو هناك لان هنا انا مش ضامنه النتايج انما هناك ده نظامهم و متعودين عليه :D

اهم حاجه بقى ايييييييييييييييييييييييييييييييييه ??

اقلب معايا كده على قناه العربيه علشان الجزيره قفلت خلاص

شايف التكتك الى راكن على نصيه التلفزيون

اه اه التوك توك ده !!

فى لغز انا لسه لحد الان مش فاهماه يا ترى عمك القذافى فاتح الشمسه ليه جوه التوك توك !! هو الدنيا بتمطر جوه كمان !! ,,

جايز مهو اى حاجه فى ليبيا جايز ..!!

شايف الراجل الى نزل من التو توك ؟؟!!

اه يا ابنى ده راجل و الله

ام فتحيه ايه بس اينعم هو لابس جلبيه ام فتحيه بس تفرق ام فتحيه مبتلفش على الجلبيه ستاره انما هو يتميز بستاره بتحفظ درجه حرارته من البرود فهمت كده !!

فلسطين بقى يا برنس شايف هو بيكلم عليها اهو

اسمع و اتمزج بقى باحلى كلام ,,,

مش فلسطين عماله تشاكل مع اسرائيل و مش طايقين بعض

نقوم نعمل ايه ..,,؟؟

ايه ؟؟

اقولك انا ايه

احنا نقسم الحته بالنص دول ياخدو النص و دول النص و نسمى النصين اسراطين نص اسرا و نص طين مهبب على دماغ ام الى يزعله :D

فتوى من الشيخ المبجل قال بيقولك ايه ؟؟ ايه ؟؟

بص يا سيدى لو بتحب حبيبتك اوعى اوعى بتاتا تاخدها و تروح عند بتاع الايس كريم
 تاكلو ايس كريم

 لان لو انتو الاتنين اكلتو من نفس الايس كريم و كان حليب يبقى انو راضعين على بعض ( ده على اساس ان انتو لسه بترضعوا اساسا ,, معلش مشيها مشيها يعنى انت عديت كل الى فات و جيت وقفت على دى عدى يا عم :D )

ملحوظه : محدش يزعله علشان ربع سكان العالم اتشلو و الكوكب مهدد بالانقراض

الراجل ده خساره فى البلد دى يا جدعان !!!!

طبعا انا مش هقول اى كومنت فى النهايه غير

حسبى الله و نعم و الوكيل :D

عاملنى و انا حمار تلاقينى فى الانتظار

بغض النظر عن القميص الكاروهات بتاع الحاج الدكتور

اول محاضره شئ لم يكن فى الحسبان

الطالب المصرى وصف فى محاضرتنا وصف صح ميه الميه

اتسالنا سؤال ايه اغرب اجابه ممكن تتوقعها من طفل ساب المدرسه فى 6 ابتدائى

انا بقى كان نفسى اقلوا اجابه مش غريبه لكنها بجد كانت فى بالى

مبدا عاملنى و انا حمار تلاقينى فى الانتظار

يعنى بيعاملو الطفل من و هو صغير على انو حمار عاوزينه يستنى ايه

مهو ليه معظم الناس دلوقتى لو قلتله يا حمار بيسكت و يقولك ده هزار مهو علشان ده العادى من وهو صغير

المدرس يقولو يا حمار و فى البيت يقولولو يا حمار و فى النادى الكابتن يقولو يا حمار

فبقت كلمه حمار شئ عادى جدا

كون انك تقول لصحبك يا حمار كده يبقى انتو اصحاب و حبايب !!!!!!!!!!!!!!!!!!!!!!!!

تخيلو بقى لو اعداء !!

هى دى ممكن تكون اغرب اجابه فى وجهه نظرى

ليه اتعودنا ان الاهانه هى الشئ الى بيقربنا من صحابنا ؟؟!!

ليه المدرسين فى المدرسه من و الاطفال صغيرين بيربوهم على الفاظ بنرفضها منهم و هما كبار و نقول عيب

انت لسه فاكر العيب و هو شاب و عنده 21 سنه !!

الام و الاب فى البيت بيفوجئوا بالفاظ غريبه بيرجعلهم ابنهم او بنتهم بيها و بيكون فات الاوان و الكلمه

مهو اصحابى بيقولوها يا بابا ؟؟!!

لو المدرس من الاول احترم الطالب و كان العقاب شئ مفيهوش اهانه كان زمانتنا حاجه تانيه خالص دلوقتى

لكن ازاى نبقى مصريين ( نحن نختلف عن الاخرون ) هو ده مبدا المصرى

اتهان و خدها بهزار و خليك بالانتظار

بانتظار جيل زى الفل محترم و يقدر يعتمد على نفسه !!

اهو ده الى احنا عاوزينه و للاسف مينفعش نعوز حاجه و احنا زارعين عكسها

يا ريت نفوق بقى من الغيبوبه الى احنا فيها و الهبل الى وصلناله

لا مش بهزر

احنا وصلنا لدرجه الهبل !!!!

نعلمهم الشتيمه و هما صغيرين و نطلب منهم لما يكبروا يكونوا محترمين !!!!!

فتح عينك تاكل كوسه بالبشاميل :D:D:D

طبعا انهارده كانت محاضره دكتور مشنكاح و الله اجدع دكتور فيكى يا جامعه عثل و الله

بس طول مانت اعد فى المحاضره بتحس ان فى حاجه غلط كده زى دبانه معديه فى وسط الزحمه

يعنى هناخد مثال

بصوا الى موجودين هنعمل بوستر او بريزنتيشن الى موجودين و ممكن تعمل ريسيرش الى موجودين بس الريسيرش مش هيضمنلك الدرجه كامله الى موجودين  ندخل فى المحاضره بقى هناخد نبات الحلبه الى موجودين هو نبات جميل جدا بس عيبه الى موجودين ريحته مش حلوه  ( يعنى الى موجودين ريحتهم مش عجبااااه و لا ايه !!!!!) امت واحده قالتلى لا يا بنتى انتى فاهمه غلط

و طول المحاضره و انا اعده حاسه ان فى حول فى الاحولال فى حاجه غلط يا جدعان !!! الراجل ده بيقول ايييييييييييييييه !!

كلمه الى موجدين ايه علاقتها بالموضوع انا مش عارفه ؟؟!!!! مش فاهمه ايه الحكمه منها و هى تقريبا كلمه لزقت فى لسان الدكتور وففضلت معلقه هو انا حاسه ان الشريط سف بس الله اعلم مش عايزه اظلم برضو

اهم حاجه ان محاضرتنا كانت عن 6 اكتوبر و ازاى هو دخل الجيش و مصر عملت ايه و ده كان تلت تربع المحاضره انا مش فاكره شرحنا ايه بس فاكره قصه 6 اكتوبر

المحاضره دى لما بدخلها بحس انى داخله محاضره الذكريات فتح عينك تاكل ملبن !!

صندوووووووووق الدنيا !!

اه و الله ده احساسى ما ببالغ

المهم الاتنين الى كانوا بيحكوا حكايات الف ليله و ليله فى ودنى لا و كمان متمزجين و مشغلين اغانى يعنى اعدين فى البنش التانى و عاملين كده امال لو كنت ورا كان حصل ايه ؟؟؟؟؟؟؟؟؟؟؟؟؟؟؟ الحمدلله انها جت على قد كده

انا خارجه من المحاضره مش فاكره غير 5 حاجات

سها و نبيل الى بيحبوا بعض و ابو سها مش موافق على نبيل و سها حالتها النفسيه وحشه يختشى

و النبى يختشى البت دى حظها قليل مش عارفه ابوها مقفل ليه

الله يحرقهم كلهم فى بعض هى و ابوها و نبيل فى يوم واحد :|

امييييييين يختشى

 المهم انهم بيتكلموا بطريقه اكنهم اعدين على المسطبه بالظبط و ربى مببالغ

انتو مش لسه كنتوا متعاطفين معاهم لا حول و لا قوه الا بالله ده من ايه ده يا جدعان

ده كان اول موضوع شرح فى ودنى

التانى كانت طريقه عمل الكوسه بالبشاميل !!!!!!!!!!!!!!!!!!!!!!!

و احده بتقلو طبقتين بشاميل و التانيه ترد لا يا بنتى جربيها طبقه تبقى  اخف فى حاجه غلط و الله بشاميل ايه و كوسه ايه انا دخلت محاضره ايه يا جدعان !!!!!!!!!!!!! والدكتور واقف يقولك حلبه و مسترده  حسيت انى اعده فى مطعم مش محاضره !!!!!!!

الموضوع التالت كان ذكريات 6 اكتوبر مع دكتور مشنكاح

الموضوع الرابع كان عن الواد سامى الى فلسع البت فتحيه و حيات ربنا باللفظ كده فلسع هو ده الى اتقال

الموضوع الخامس عبس مستنينى بره و عمال يرن هو غبى انا فى محاضره

لا و نعم الحب بتشتمه !!!!!!!!!! و تلاقيها ادامه بتقلب قطه

التانيه تقولها ابعتيله مسج قوليله غور ياد من هنا انا لسه فى المحاضره !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

كلام غريييييييييب و طريقتهم اغرب و فتحه مواضيع الدنيا و الاخره و فى الاخر انا هذاكر ايه المفروض فى كل ده الله اعللللللللم !!!!!!!!!!!!!!!!!!!!!!!!!!!!!!!!!!!!!!!!!!!!

بس الاتنين الى ورايا دول لو شفتهم هطبق فى زماره رقبتهم باذن الله

شوفتوا محاضره عسل كده قبل كده 

واحد بيشرب كولا فى المحاضره الدكتور قاله عيب يا حسنين تشرب كولا اشرب سبرايت ماشى انما كولا ؟؟!!!!!

ماشى هعديها يعنى هى جت على دى مكل المحاضره كان فيها بلاوى يعنى جت على الاسبرايت نسيت اساله ايه انواع الاكل المسموحه لانى عايزه انزل نشره بيها !!!!!!!!!!!!!!!!!!!!!!!!!!!!!!!!!!!!!!!!!!!!!

يا جماعه الى يعرف المحاضره دى اتشرح فيها ايه يبقى يقولى ينبكوا ثواب :s

و الى ان القاكم الحلقه القادمه لكم منى اطيب التحياااااات

و يبقى الوضع على ما هو عليه و على المتضرر اللجوء للقضاء

هل ستكون النهايه فى كوكب الزهره ؟؟!! ام ان ليس هناك نهايه

 هى ,,

أمتلأت له بحب إذا وُزع على العالم أجمع فاض منه ,, فعاطفتها كانت تنجرف نحوه حتى فى أحلامها

تضع هاتفها أمامها لتنتظر ظهور أسمه على الشاشه الصغيره . 
و قد يظهر و قد لا يظهر !

أعطته وعداً بانها لن تكون لسواه و لن ترضي بسواه ,, حتى و إن تركها و تزوج بأخرى 

إذا أخطأ بحقها فكلمه منه ترضيها فالفتاه لا تحتاج سوى كلمه و نظره تملائها الحنان لتكون كالخاتم فى إصبعه

لكنه فى بعض الأحيان كان لا يعلم بطابع الفتيات فى الحساسيه

فكان أحيانا يرجمها بكلماته القاسيه عند غضبه و أوقات اخرى يصفع قلبها بكلمات لم يكن يشعر بها

و لكن طابع أدم فى كبرياءه لا يجعله يري هذا خطأ منه بل يراه شئ خارج عن إرادته و لا يستحق الأعتذار

و هذا ما كان يعذبها كثيراً فسكان كوكب الزهره مشاعرهم كغشاء الفقاعات الهوائيه

و هنا يأتى الأختلاف فسكان كوكبه أعتادو الحياه القاسيه الخشنه

و سكان كوكبها أعتادوا الحياه الرقيقه الناعمه التى تخلو من القسوه لذا قد يحضر عالم

الفتيات دائماً النفاق لا يسود كوكب الزهره هذا الطبع و لكنه ظهر نتيجه و جود طابعهم فى الحساسيه

قد يكون بكلماته تسبب لها بجرح لا يعرف هو قدره فى عالمها و لكن بتعدد الأحداث و المواقف علم بهذا

ما زال يجهل الكثير عن مشاعر من أحبها  قلبه و عشقتها عيناه

سكان كوكب المريخ إمتلأوا بكبرياء يمنعهم من الأعتراف بهفواتهم  , فقد يعترفوا بالاخطاء الفادحه و لكنهم لا يعترفوا بالأخطاء الصغيره محاولين إخفائها بالكلمات  فهكذا هم سكان المريخ لذا دائماً ما يسهل عليهم الفتك بمشاعر سكان كوكب الزهره

فكبرياء كوكبها كان كبرياء ليس فى المشاعر و لكنه كبرياء عام لا يشتد فى مصب بعينه

أما كبرياء سكان كوكبه كان كبرياء فى الأخطاء و لكنهم لا يشعرون بأنه كبرياء نظراً لأنه طابع كوكبهم و لكن طابعهم يميل للخشونه الزائده التى لم و لن تستطيع هى تحملها  لذا فقد علم و لكنها سرعان ما تأخذهم الحياه العمليه بأحداثها ليتناسو ما حدث

فى عالمها الخاص كانت لا تجد ان هناك ما يجعلها تبتعد عن مشاعرها التى تعشقه و لكنه لم يتفهم هذاا

فكوكبها تميز بالعاطفه و كوكبه تميز بالواقعيه البحته لذا دائما ما كان يبتعد عن عاطفته ما يجعله لا يشعر بقلبها فى هذا الحين

فقد تتحمله مره و الثانيه و الثالثه و تظل معه و بجانبه الرابعه حتى و إن شعرت بتغير مشاعره نحوها , فحبها يجعلها لا تفكر إلا فى كيفيه إسعاده و الوقوف الى جانبه لكنه كثيراً ما كان يتناسي أنه من حقها أن تشعر بالتقدير منه و للأسف أحيانا يكافئها بتشتت مشاعره نحوها و هذا أصعب ما قد تواجهه المرأه تجاه من أحبت و قد تتحمل الكثير و لكنها تاتى بالنهايه لتشعر بالحزن على حالها و تنسحب فى هدوء بدون إبداء الكلمات و تنتظره لكي يصالحها كعادته و لكنه ,,,,, فى كثير من الأحيان لا يعود فقوه قلبه لا ترحم فى أحياناً كثيره ضعف قلبها و حساسيه مشاعرها و حينها يعاودها كبريائها مره أخري ليجعلها تحاول أن تتناساه

و بطابعه و طابع عالمه كبريائه هو يظهر فى صفعات كلماته لها فقد يتناسي كل ما فعلته و كل ما يتذكر هو أنها تركته و يراه ظلماً و لكنه إذا عاد بذاكرته الى الخلف لوجد أنها تحملت الكثير و لم تجد منه التقدير بل وجدت عكس هذا تماماً قد يكون هو مرهق ذهنيا و لكن عليه أن لا يرهق قلبها الصغير فدائماً الفتاه على أستعداد لتتحمل أى شئ و لكن أشعِرها بقدرها و لا تهملها فى عاطفتها

قد يرجمها بكلماته التى لا ترحمها و تتوال على قلبها كالسهام و يتناسي أن هذه هى من أحببها قلبه يوماً

و لكنها لا تنسي مشاعرها نحوه مهما حدث  فتكتفي بالصمت و الألم فمشاعرها أصبحت تنزف و هو لا يرحمها فطابع الرجال فى الغضب يجعلهم لا يفرقون بين الأبيض و الأسود ,, قد تحتاج هى أيضاً لان تقول الكلمات التى تعاتبه فيها و لكنها تذهب إلي مكان بعيداً عن أنظاره و تواجده لكى تعاتبه و توهم نفسها أنها لم تعد تحبه

و هو يوهم نفسه أنه المظلوم لأنها تركته و هي ترى أنها المظلومه لأنه لم يقدرها

هو لم يعلم أنه لولا إهماله لبقيت بجواره حتى و إن قضت عمرها على هذا

هل سينتهى حبهما الذي بدأ بقوته أم سيتنازل هو عن كبرياءه لكي يشعر بأنه أخطأ بحق مشاعرها يوما ؟؟!!

هل سيتفهم طابع كوكبها أم انه ليس على استعداد ليراعي عواطفها ؟؟

هل سيظل يتهمها بأنها ظلمت أم سيعود الى الخلف ليعرف أنه من بدأ الخطأ ؟؟

هل كان محقا عندما وعدها بأنه لن يتركها و طلب منها أن لا تتركه أم كان حديثاً لحظه إنجراف مشاعره و حسب ؟

هل ستحل نقطه إختلاف كوكبيهما أم سيضيع حبهما عند اول عقده ؟

؟؟؟؟؟؟؟؟؟؟؟؟؟؟؟؟؟؟؟؟؟ 

 احم ,, نكمل بقى الجزء الجاي انا نفسي مش عارفه اخلى النهايه ازاى :D:D

بس خير ان شاء الله استنوني انتو بس  اوعو تمشو ;) :)

دًخلت معه كوكبه الخاص لاول مره :):)

كانت احيانا كثيره تفتقده رغم وجوده بجوارها ,,, ففط تنظر الى عيناه لتنسي كل ما حدث

كانت لا تتخيل أنه قد ياتى اليوم لتبتعد عنه فكان تفكيرها يخشي أن يذهب إلى هناك 

هو ,,

كان قوياً فى حبها يتمنى إرضائها ,, يغار عليها غيره حارقه و لكنها كانت تتفنن أن تثير غيرته تلك

 كان يخشى عليها و كأنها طفلته بينما هى تعشق خوفه هذا و بذات الوقت تخشي عليه من قلقه

أعطاها قلبه و سقاها من حنانه

لو كان الأمر بيده لأغلق عليها أبواباً و أبواب كى لا يرااها أحد و لا تتاذي من أحد

إن أخطأ بحقها فهى أصبحت تعشقه بصفاته حسنها و سيئها

عندما كان يجرحها بدون قصد كانت كل ما تنتظره هو أن يبدي حبه و عدم قصده لما بدر منه

و هكذا بات الأثنان و حالهما و لكن هناك النقاط التى يفهمها الأثنان لأول مره لأن كليهما لم يدخل للحب أبواب من قبل

فكانت هى لا تشعره بأهميته فى حياتها فلقد أعتادت الأعتماد على نفسها و شخصيتها فى كل شئ

علمها أبيها القوه , و لكنه لم يعلمها كيف تضعف فى أحيان يكون الضعف ضروره

و هو طالما كان يجن جنونه من هذا الطبع و كم عانى من قوه حبيبته التى  لم تشعره بأنه موجود فى حياتها لكى تعتمد عليه

فالرجل يحب أن يشعر أن من أحبها تحتاج إليه و تعتمد عليه و تجعله سنداً لها فى وقت حاجتها

و لم تفهم هى ذلك إلا بعد تعدد المواقف و الاحداث

كانت لا تتقبل غيرته و تشعر أنه يريد أن يفرض سيطرته عليها بالرغم من أن غيرته هى الدليل المؤكد لحبه لها

و بنفس الوقت إذا لم يبدى غيرته كان يجن جنونها فكيف لا يغار عليها !!!! و المسكين لا يعلم كيف يرضيها 

أحيانا كثيره كان يأمرها بأفعال لا ترضى هي عنها و لكنه يصر دون إبداء الأسباب و كانت تخشى أن يكون هذا  سيطره على شخصيتها فهى تميزت بشخصيه قويه جعلتها طوال الوقت تخشي أن يتعدى عليها أحد او يتمكن منها أحد حتى و إن كان هو

فكانت ترى إذا أحبها  ,, يجب أن يحترم شخصها وهى محقه

و لكنه لم يكن يريد فرض شخصيته أبداً و كل ما أراده هو الحفاظ عليها فى أمور لن تتفهمها بطابعها كفتاه

كان فى طابعها الحساسيه الشديده .مع الجميع ,, و لكنه لم يطق طابعها هذا

حيث إذا كانت فى حاجه لأمر لا تخبره فكبريائها لا يسمح لها

كبريائها الذي كان يمنعها من مهاتفته فى أشد حاجتها إليه

كبريائها الذي يمنعها أن تطلب رؤيته فى أمس إحتياجها لوجوده

كبريائها الذي منعها من إظهار  قلقها عليه

كبريائها الذي منعها من الأحتياج إليه

فحساسيتها الشديده = كبريائها و هذا ما كان لا يشعره بوجوده فى حياتها

كم كثرت أخطائها و ذلاتها و كم كان يعاتبها بطريقه أو باخرى و حتى إن كانت جارحه فقد كان يبدى حباً 

و عيناه تمتلئ بحنان ما يجعلها تتقبل منه النصيحه بداخلها حتى و إن تظاهرت بالرفض فكم كانت تعشق أن تشاكسه 

و تطيل الحديث حتى تجعله يتحدث  معها أطول وقت :)  تحبه و لكنها ( بتطلع عين أمه على متسمع كلامه معلش تعبت من الفصحى بريح شويه :D )

فلم تكن تفهم عالم كوكب المريخ الذي يعيش به الرجال جيداً و كان فكرها كله

 محصور فى كوكب الزهره التى عاشت به

فَـ معه دخلت كوكبه و تفهمت قوانين الكوكب الخاص به

هو أيضا لم يكن يتفهم كوكبها التى عاشت به و لم يكن يتفهم قوانينه و سنري ذلك فى الجزء القادم ;)

بامانه بقى يا جماعه بامانه  انفع و لا :) انا عادي و الله مليش فى الكتابات الفصحى مليش الا فى الكوميدى بس

ارائــــــــــــــــــــكم تهمنى REALLY

هى كانت و هو كان و زال الان بعد فوات الاوان

هى ,,

فتاه عاشت حياه مليئه بتحمل الاعباء و المسؤليات منذ صغر سنها
الى أن رأته فدق قلبها الذى لم تكن تشعر بوجوده
رات فيه الفتى الذي لم يعد موجودا فى زمانها الذى تعيشه ,, رات فيه كل معانى الرجوله 
كانت تشعر بالامان لمجرد وجوده فى المكان الذي تتواجد فيه

كانت تستمد من عيناه الامان و لم تخبره بذلك 
تمنت من الله ان عاشت عاشت بصحبته و ان ماتت ماتت بين يديه 
كان وجهها يشرق فرحا اذا تحدثت عنه و عيناها تمتلئ حنينا اذا رات صورته
  و قلبها يقفز من مكانه اذا ذكر اسمه
كان اذا اخطا بحقها تعشق ان تتصنع الزعل لكى يصالحها و تري حبها فى عينه و كلماته
كانت تشعر انها طفله و هو الوحيد القادر على تدليلها
كانت بجانبه حتى و ان بدي رفضه لكى يمنع عنها العذاب
 و رغم حساسيتها الشديده الا انها تنازلت عن هذا الصفه بصحبته
كانت دائما تشعر انها قد ظلمته فقد يكون هناك اجمل منها و افضل منها و انسب منها و كم انتابها هذا الشعور الذي دائما ما يطاردها .
عشقته بجنون و اعطته قلبها
سقاها عطفا و اشبعها حنانا حتى و ان قسى عليها فى احيان
كانت احيانا كثيره تفتقده رغم وجوده بجوارها و لكن ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

كفايه كده انهارده قولولى انفع و لا لا علشان لو انفع اكمل ;)

روميو و جوليت بيشرشحو لبعض على صفحات الفيس بوك :D:D:D

و كالعاده مش هتكلم بالفصحى علشان اوصلكو احساسى

فاديه و شاديه و هاديه تلاته اصحاب مجانين كل واحده عايشه مع رامى و سامى و فادي قصه حب من بتوع الحب مولع فى الدره :D

المهم فاديه كانت بتحب رامى و كانت الحياه بمبى لحد مرامى ربنا يكرمه كتبلها استاتيوس على الفيس من يظلم فلن التفت له و من يخون لن التفت له و افعل ما شئت يا حبيبى :D

منين بقى حبيبى يا ابنى متشتمها و خلص نفسك

 امت فاديه واخده بعضها و جرى على الوال بتاعتها و كاتبه يا حبيبى خلاص خلصنا خلاص كفايه جراح جك ضربه فى قلبك :D

طيب و بعدين يا جدعان ام رامى مسكتش و جرى على الوال بتاعته و ام كاتب شكرا لك يا قلبى انك تتحمل الطعنات القاسيه من حبيبتى الجاحده :D  لا و الله طيب دى  حاجه حلوه خالص و برضو مصمم بعد كل الى بيقولو ده يقول حبيبتى تقوم هى ازاى متسكتش على حقها و تروح على الوال بتاعتها و تكتبله كلمتين حلوين بقى تروح تقولو مضعفتش قصاده مشفش دموع عنيا مع انو جرحلى قلببى و اهئ اهئ بقى و عايشه الحياه

يقوم هو يشوف كده يجرى على الوال بتاعته  و يكتبلها ايه يعنى لما سبتينى بشكل مش معقول مانا عاوز اسيبك من بدرى لكن مكسوف اقول :D  بدانا الشرشحه اهو

تقوم تروح ع الوال بتاعته تقوله انت قلبك قاسى اوى اوى انت مش بتحس كده و كده (:D يختشى جميله )

المهم ان الحياه الموز مستمره و الاتنين عمالين يحدفوا بعض بالطوب  مش حاسين ان الناس متابعه و بتتفرج

و تيجى تروح تسال الحاجه فاديه تقولها هو انتى بتحبى تقولك لا لا حب ايه و بتنجان ايه

و تروح تسال الحاج رامى يقول انا مبحبش حد

و الاتنين اصلا عايشين فى حله محشى و فاكر الناس هبله

دى مصر كلها عرفت انهم متخنئين من الفيس بوك

اهم حاجه ان الواحد يعرف يعنى ايه ميجرحش الى  بيحبها ادام الملا و ازاى يحافظ عليها و على كرامتها و سيرتها و ده الى نادرا اما حد بيفهمو ;) و اهم حاجه بقى ان روميو و جوليت بيعدوا بال7 و ال 8 سنين على الفيس مبهدلين ام بعض لحد مكل واحد بيروح من سكه تانيه و يقلولك نصيب و الحياه وردى و عيش يا معلم