الخميس، 16 سبتمبر 2010

أعياد ميلادى ما يسمونه بحظ الغير و نحس النفس !!!

خرجت من الـــ17 و



 بعد كام ساعه هدخل الــــــ18


الواحد حاسس ان عنده 81 سنه مش 18 ابدا
الى شوفناه مش قليل !!!!
و كمان كام ساعه هيبقى عندى 81 سنه ده شعورى

مش هخبى عليكوا انا خايفه ادخل الجامعه اطرد
و بدل ماسجل يدونى و رقى و يمشونى
هههههههههه بصراحه يبقى ريحونى من اقناع ماما و بابا انى احول :))))
و فى كل سنه من اعياد ميلادى تحدث المصائب
فى عيد ميلادى الى فات 17 سنه الشمع كان نوع غريب مش عاوز يطفى و كل الناس اعدت تطفى مفيش فايده
لحد منزل جوه التورته و كل المعازيم بقوا فحم :((((
كلو نزل و حلف مهو حضرلى اعيد ميلاد تانى :((((
لا مش بسبب الموقف ده !! دول شافوا مصايب
عيد ميلاد سعادتى الى قبل الى فات
العيد ميلاد ال16


النور قطع و قضينا العيد ميلاد فى الضلمه على ضوء الشموع :((
عيد ميلادى الـــ15


كان عيد ميلاد ميعلم بيه الا ربنا
الدليفرى بتاع الحلوانى جابلنا التورته الساعه 1 و ربع بليل
و لما سالناه من طريقه كلامه فهمنا انو اتخطف علشان يتقشط و هو فى السكه و الله يعمر بيت الحرميه سبولى التورته
مع ان الحكايه دى مدخلتش دماغى و طبعا بابا كلم حلوانى تانى علشان يعمل تورته قالوا ميلحقش يعمل واحده
:((((((( احراج اخر حاجه كان عيد ميلاد مشاريب فقط
عيد ميــــــــلادى ال14


كان فى رمضان وبابا كان مسافر و ماما داخت علشان تجيب تورته و كلو بيقول كلمه واحده مفيش تورت احنا فى رمضان و مبنعملش تورت :((( بورسعيد عره حلوانياتها كلهم بالمنظر ده
فى الاخر ماما مغلبتش جابتلى تورته كنافه ههههههههه حطينا فيها شمعه و طفينا الشمع و اقلب يا معلم محظوظه من يومى :(
عيد ميـــــــــــــــلادى الــ13


كان اول يوم مدارس و و كان مفيش ناس فيه غير العائله الكريمه :) ربنا يخليهم
طبعا عارفين يعنى ايه ليله مدارس يعنى هم و نكد
قبل كده و الله مفكره بس اكيد كان فى كوارث :))))
بس الميزه الوحيده ان اليوم ده اى حاجه حد بيتمنهااها بتتحقق طبعا مش نظريه بس صدفه بقى من عند ربنا
الوحيييييييييييييييده الى لو اتمنت حاجه فى اليوم ده يحصل عكسها هى انا :((((((( هو انا مليش نفس زيهم
و ربنا يستر من عيد ميلا انهارده ده لانى مش مسريحاله
و هابى بيرس اى تو مى بقى :))

5 التعليقات:

yasmeena يقول...

اكيد لو حصل مصيب هقولكو :))))))))))))))))

dr_roma_smsm يقول...

مفييييش اى مصاايب ان شاء الله ده انا جاية العييد ميلاد يعنى البركة كلهااا
بس هتبقى مشكلة بقى لو التورتة كانت بالشوكلاتة لان انا مش بحبها الا بالكريمة فلو انتى جايباهاا شوكلاته الحقى رووحى غيريها قبل ما اجى :d:d:d:d
ROMA SMSM

yasmeena يقول...

ههههههههههه تصدقى الساعه دلوقتى تمانيه و نص و خمسه يعنى التورته وصلت خلاص
متقلقيش خلاص التورته فيها كده و فيها كده
بس ربنا يستر من الكوارث الى بتحصل :))))

Shakshak يقول...

msa msa 3la el tfa2ol :D:D

isa yb2a da a7sn 3eed milad tool sneenk elly fatet yarb

kol sna wnti tyba

yasmeena يقول...

و انت طيب مرسى

إرسال تعليق