السبت، 11 سبتمبر، 2010

دارى على شمعتك تتحرق وجهتك !!!

انا طالبه مصريه عديت على الثانويه العامه و شوفت العجب


كلمت فتكات اسالها عملت ايه فى المذاكره

قالتلى مش عارفه اذاكر و لا احل انا لسه صاحيه من النوم و مذاكرتش حاجه و مش فاهمه حاجه و ضايعه و هسقط و و و و و و و انا زى الهبله قولتلها تعالى يا حببتى و انا اشرحلك الى فهماه قبلها و كان على ما افتكر فيزيكس فى الاخر انا جبت 12 من 15 وهى جابت 15

قولت قدره ربنا

مره بقى قفشتها بكلمها من الموبايل فى الشارع قلتلها ايه اخبارك قالتلى لسه صاحيه

امت الست ام فتكات ندهتلها التلها فتكاااااااااات نامى بقى يا حببتى مينفعش كده و الست بحسن نيه

اخدت منها السماعه التلى و النبى يا ياسمين اوليلها ان التطبيق ده مش كويس و بتاع بقى الست على نيتها اوى متعرفش الى بنتها مهبباه

قلتلها عنيا يا طنط هتهالى

ايوه يا فتكات يا حببتى التطبيق خطر عليكى جدا كده مش حلو على صحتك خااااالص نامى بقى حرام عليكى نفسك

وهى متنحه و مبتنطقش

يعنى يا جماعه هو فى ايه

هو انا يعنى هحسدها هتمنالها تجيب درجه وحشه و انا حلوه و لا ايه يعنى ؟؟!!!!


فى نفس اليوم اتصلت ببهانه الحاجه ام بهانه قالتلى نايمه

ايه حكايه الناس النايمه دى ؟؟!

انا قلقت تكون فيها حاجه و لا حاجه

اتصلت ببهانه تانى يوم مامتها قالتلى دى تعبانه يا بنتى و مبتذاكرش خاااااااااااااااالص خاااااااااااااااالص من تعبها و دايما نايمه

انا فعلا قلقت على البنت جدا جدا لانها صحبتى فى الاساس

فجبتلها ملخص مذاكرتى كله و صورتهولها و رحت اديه لبواب عمارتهم قالى الانسه بهانه خرجت من ساعه

قولت يمكن راحت للدكتور ولا حاجه فقولت للبواب سيب الورق ده معاك و هى هتيجى تاخدو منك

وكلمتها على الموبيل علشان اقلها انى سبتلها الورق فقولتلها فينك يا بنتى قالتلى تعبانه و الله يا ياسمين و فى السرير !!!!!!!!!!!!!!!!!!!!!!!!!!!!! مهو ياما البواب احول يا احول حاجه من التلاته !!

التلها ممممم طيب بس ايه صوت العربيات ده

اصل انا واقفه اشم هوا فى البلاكونه اتخنقت يا ياسو و الله

التلها الله فى عونك يا حببتى و انا ماسكه السماعه وخارجه من عمارتها من البوابه لقيتها فى وششششششششششششششششششششششششى عدل قمت استهبلت و كملت مكالمه و قولتلها ااااه يا بهانه يا حببتى ربنا يقومك بالسلامه و سلميلى على البلاكونه و هى صوتها مطلعش و معرفتش تعمل ايه و رجعت الت للبواب ادامها الورق لو سمحت ؟؟ قالى اهو التلو هاااات و اخدتو و مشييييييت و انا مش فاهمه هى ايه سبب تصرفها الغبى ده يعنى انا هقر على سعادتها و لا ايه يعنى شويه كده و بيتى كان قريب من بتها و انا مروحه قبلت طنط ام بهانه التلها ازى حضرتك يا طنط دى واحده كبيره اكيد مش هتكلم كتير يعنى بس هى الى جابتو لنفسها

شوفتى يا ياسمين صحبتك نايمه على طول و مبتذاكرش انا سايباها نايمه و مرحتش درس الكالكوس

معلش يا طنط بقى

(مانا مش هحرجها اكيد )

لحد ماكيد الست روحت و عرفت ان منظرها كان مش لطيف ادامى )

فى ايه يا جماعه ايه ده بنكذب ليييييييييييييييييه يا ريتو علشان سبب واقعى ؟!!!

ده مفيش اى سبب واقعى تكذب علشانوا

ايه خايف من ايه

الحسد ؟؟؟؟ مش هتاخد اكتر من نصيبك على فكره

و الحسد ده عمره مهيجى من اقرب اصحابك مهما كان لانهم اكيد مش هيتمنولك ان النعمه تزول من عندك

غير كده فى سبب تكذبى علشانو يا بنتى ؟؟؟؟

استفدتى ايه غير انك هتفضلى كذابه فى نظر نفسك !!!متقولش لا انت من جواك فعلا حاسس انك كذاب بس بتجملها و تقول دارى على شمعتك تايد

مع انو حاجه تافهه اوى





و تمضى الايام ........

0 التعليقات:

إرسال تعليق