أنا أشتم أوك أقول المصريين دول هايفين تافهين اضرب انيل اى حاجه انا حر مصرى لمصرى يبقى محدش يتحشر فى النص
و لا طنط أمريكا تدخل تطبطب و تهدى النفوس
و لا عمتو إسرائيل تدخل تصلح الأمور
هما الاتنين عاملين زى عواجيز الفرح عاملين قال جايين يباركو للعروسه و هما جايين يقطعوا فى فروتها فى نص فرحها
و لا الحاجه كلينتون تنطلنا كل ساعه و التانيه اكنها خلفتنا و نستنا يا ستى كنى بقى و أتهدي زياراتك تقلت
كان نفسى مصر تبقى بباب و جرس و الباب ليه عين سحريه الى يضرب الجرس تبص من العين لو حد حشرى تدخل و متفتحلوش و تسيبه ملطوع بره لحد ميحرم يجي يخبط عليك تانى
أنا أزق صحبى ماشى اوقعه ادشدشه ,, اجيبله صف سنانه الارض اوك انا حر مصرى لمصرى احنا الاتنين راضيين او مش راضيين بنتخانق مع بعض محدش ليه فيه
انما تيجي انت من فوق ولد خونزير و تعمل بشو بشو تموتهولى أكلك بسنانى و مخليش فيك حته سليمه
أوعى تفتكر أن الخنقات و الأنقسامات الى بتشوفيها يا طنط امريكا فى التلفزيون دى معناها ان السكه سالكه لاااااااااااااا انتى غلطانه
أوعى يا عمو اسرائيل تفتكر أن أول مأنت تخش فى فئه هتتحالف معاك على التانيه ,,
( عند أمه يا أدهم )
إحنا نولع فى بعض أه ماشى أخوات و بتتشاكل أنما يجي حد من بره يفكر يخدش ضافر حد فينا ننسفه نسف
يا ريت بقى الناس الى عماله تقولك مرسى
و الى بيقوله الاخوان
و الى بيقولو 6 إبريل
و الى بيقولو حركه كفايه
و الى عمالين يخونو فى بعض ..
متمسكليش فى أخوك و تسيب عدوك الله يخليك بلاش عبط بقى !
تمشى فى الشارع واحد يقولك هما الاخوان السبب اصلهم فتحوا المعبر
طب الاخوان غلطوا و فتحوا المعبر او مرسي غلط و فتح المعبر بلاش الاخوان علشان فى ناس هتتحمق
هل مرسي دلوقتى هو الى قتل الجنود ؟؟
حد يرد عليا مسمعتش رد يعنى ؟؟
مش هو إحنا بقى سبنا العدو عمل أيه و ماسكين فى أخويا غلط فى أيه
أخوك لو و انت بتلعب زقك وقعت رجلك أتكسرت هل هو كان قاصد أنو يكسرلك رجلك ؟
لااااااااااااااا
إنما عدوك لو بعد مأنت وقعت قام جاى و غارز سكينه فى ضهرك هل هو مش قاصد ؟
لا طبعا قاصد و متعمد كمان !
ده الى حصل لو مرسي غلط و فتح المعبر فهو غلط بس مكنش يقصد يموت الجنود
إنما العدو الحقيقى هو الى موتهم و أستحاله مسلم يموت أخوه المسلم و هو صايم ,,
أســتحاله !
أنصار عمو شفيق ماشيين يقولولك مرسي هو الى عمل كده
طب افتح التلفزيون بذمتك و دينك مرسي اصلا يعرف يعمل حاجه فى حياته :D !!
مرسي و لا بيعمل كويس و لا بيعمل وحش هو قاعد كده يقولك هننتقم و يبص لعمو طنطاوى يقوله صح يرد عليه طنطن يقوله و ماله يخويا صح طبعاً و خلاص على كده
توفيق عكاشه بقى عامل زى الرقاصه الى يجبوها فى اى فرح علشان ترقص و تزغرط اهو هو بقى الرقاصه الى بترقص و تزغرط فى كل فرح يا ريت يعنى منمشيش ورا كلام الرقاصات ده احنا حتى فى شهر كريم
و اللهم إنى صائمه :D !
لــ ياسمين جمال
8\8\2012
0 التعليقات:
إرسال تعليق