الأربعاء، 7 سبتمبر 2011

ترفعى عن كل ما لا يليق بكي !!

ملحوظه : هذه الاسطر يكمن بها وجهه نظرى الشخصيه التى قد يعارضنى فيها البعض !!
بدايه أراكي كائن جميل
رقيق , ناعم , عذب
لا تستحقين الا من يقدرك
لا تستحقين الا من يحافظ عليكى
لا تستحقين الا من يسعى لإسعادك .. لا لإسعاد نفسه بكِ
فهذه مهمتك أنتى و ليست مهمته هو و لكن إن أستحق ذلك ,,
أحذري الرجل ,, فهو كائن ملول .
يمكن أن يتركك فى أى وقت ( علشان مش أنتى مش على مزاجه دلوقتى )
من أحبك دخل بيتك من بابه ( هيدخل من وش البيت مش من قفاه )
من أحترمك ,, سيكون بجميع حالاته , يكن لكى التقدير و أحترامه ( مش شويه يحترمك و شويه يطول لسانه عليكى )
مهما غضب , سيحافظ عليكِ ..
إن أخطأ بحقِك .. لن يجد فى الاعتذار صعوبه ..
*ترفعى عن أى شئ يقلل من كرامتك ..
فالجمله الشهيره ( خلينا أصحاب أحسن ) .
يمكن للصداقه التحول إلى حب و لكن العكس غير صحيح ..
 ( لو ده نوع من البقشيش العاطفى يبقى دى قله كرامه و بناقص منه خالص , )
من أحبك . كانت دموعك له شئ باهظ الثمن . حرصه على أن لا تذرف منه واحده فقط .. !!
من أحبك حرص أن لا تضعى رأسك على وسادتك فى يوم و بداخلك حزن كان هو سببه !!
من أحبك أعطاكى ثقته ., أمانه., قلبه ., ليس بالألفاظ و لكن بالأفعال !!
صدقه فى مشاعر حبه لكي لن تظهر إلا فى أوقات الذروه و الشده .. لكن غير ذلك ( لعب عيال و دحك على الدقون )
يفعل أى شئ ليرضيكى و يجعلك سعيده و لا يسير بمبدأ ( إذا كان عاجب )
يقول كلمه أسف و هو صادق بها ( مش اسف و لو مش عجبك اخبطى دماغك فى الحيط )
سيحرص كل الحرص أن لا يجرح قلبك ( غير كده يبقى بيستهبل و مينفعش يتحمل مسؤليه مشاعر بنى ادمه )
و قضيه سي السيد الشهيره .. 
لن يعاملك بمبدا انك كل وظيفتك فى الحياه اعمال المنزل فقط 
و يتجاهل اى وظائف معنويه قد تمنحيها  .. 
هو الخاسر حينها !! و لكن هذا لا يصلح لحياه زوجيه . 
من يتأرجح بين هاتان و هن و الاتى و تلك \
 ,, يعشق تاء التانيث أى كان ..
فكرها . شخصها . تفاصيل أدميتها 
لا يهمه سوي أن يكون ( الصدر الحنين للبنات ) 
(البنات كلها اخواته ) 
( بيشغل اغنيه كل البنات بتحبك كل البنات حلوين!! ) 
من يري في الفتاه الشئ الذى يتباهى به ,,
لا تعطي هذا النوع  امان حتى لو دخل بيتك من بابه ,,
لانه بمجرد ان تصبحى بين يداه ,,
سيبحث عن اخريات .. 
و الفتاه عندما تعمل مشاعرها و عواطفها يتوقف عقلها عن العمل الا من رحم ربي ,,
فلا توقفى عمل عقلك ,
 فميزنا الله عن غيرنا بعقولنا لا بقلوبنا 
و تجاهلى نبضات قلبك الى ان تسمعى نبضات باب دارك اولا ,, 
حتى لا تخسري شخصك , و احترام الناس و احترام نفسك , 
ولا تخسري قيمتك يوما تلو الاخر ,, 
كلمه 
(ارتباط) 
ما معنى كلمه ارتباط ؟
بم تفسر كلمه ارتباط ؟
علل كلمه ارتباط ؟
يعنى 
(فرفورى قالى متروحيش و فورفورتى قالتلى متعملش كده ) 
:| بقينا فى مجتمع الفرافير احنا الوقتى 
احمد مرتبط بمنى و مانعها تروح تشترى حاجه من بره الجامعه 
هو بيجبلها كل حاجه :D ( حلاوته يختى )


- سعاد سابت محمدين .. يا قلب امك يختى !! 
 * فسخوا الخطوبه و لا اطلقوا ؟؟
- لا خطوبه ايه و طلاق ايه دول فكوا الارتباط 
 * ايوه خطوبه و لا جواز يعنى 
 - لا ارتباط و لا خطوبه و لا جواز 
* يا كبدى يختى :D  


دلوقتى الى مش مرتبطه يتقال عليها معقده .. 
سبحان الله يعنى الى تحب واحد من ورا اهلها 
و تكلمه من ورا اهلها 
دى هى النموذج المثالى !! 
و فى بقى الى تقولك اانا قايله لمامتى بس طبعا مش بالتفاصيل
حلاوتها ام حسن !! 
هو فى تفاصيل كمان :D  
(بابي لارج !! ) 


رسالتى : أحتفظى بمبادئك و لو ركنتيها أرجعيلها بسرعه قبل متخسرى احترامك لنفسك و احترام الناس ليكي كلمتك بالفصحى فى الاول علشان اوصلك فكرى 
و كلمتك بالعاميه علشان تفهمى قصدى 
أتمنى تكون رسالتى وصلت 
فتذكرى أن الله ميز الانسان عن غيره بالعقل لا بالقلب ! 
تحياتى و احترامى و تقديري , :) 






\\ قد يهاجمنى الكثير من الفتيات و كثير من الرجال ايضا 
و لكن هم فى داخلهم يعلموا ان كل ما ذكر صحيح 100% 






عذرا كلامى مش مستحمل احط صور فعذرا لا يوجد صور بين حروفى هذه المره .


8 التعليقات:

عمرو سليمان يقول...

اول حاجه انا بحترم رأيك ده ..
ممكن بعض البنات يعتبروكى متطرفه :D
وممكن بعض الرجال يشوفوكى معقده :D
الاجمل فى كلامك وجهة نظرك
خرجتيها بشكل جميل جدا جدا
وبما انى ذكر
هقولك
الزوجه هيا اللى فى ايديها تخلى حياتها بمبى
او بنى
والاختلافات فى الرأى بين الزوجين يمكن تقبله
عن طريق الاقناع
اى طرف يقنع التانى بوجهة نظره

الموضوع محتاج كلام كتير .. راجع تانى :D

yasmeen gamal khodeer يقول...

مممم صح بس هو لازم الزوج يعرف ازاى يعامل انثى ,,
مش يعاملها كانها عم عبدو البواب و يبقى مستنى بقى انها تقولو يا بيبى :D ,, انج زوجين هما الزوجين المتافهمين الى مش واقفين لبعض على الواحده و الى بيفهمها غلطها براحه و بذكاء و هى نفس الكلام ,,
:D انا كده عدانى العيب و ازح و لا ايه

عمرو سليمان يقول...

ده ازح ونط تانى ناحيه كمان
المهم ان الزوجه اللى بتخاوى النكد
تعرف ان الزوج مش ناقص
وانتى شايفه العيشه عامله ازاى :D

شكلنا هنعمل زى احمد ومنى فعلا هههه

yasmeen gamal khodeer يقول...

:D الزوجه الى تمتص غضب زوجها لازم يقدرها لان لو مقدرلهاش ده و عبرلها عن تقديره كل حاجه هتبوظ و ميزعلش لو معبرتوش بعد كده :D
و العصبيه العميا صفه منتشره بين الرجاله

Roma يقول...

gamylaaa gdaaan gdaan w lel asaaaaf mawdoo3 l ( antamaaa ) daaa elyy mashyyy w maba2aash f ay 7ayaa2 n folanaa t2oleek anaa m3ala2aa m3 folaaan

elyy e5tashooooooo matooooooo

yasmeen gamal khodeer يقول...

هدي نفسك يا حاجه روما :D عارفين انهم ماتو الحمدلله :D

Sara يقول...

:)
جميلة بجد

yasmeen gamal khodeer يقول...

منوره يا سروسور

إرسال تعليق