الجمعة، 16 سبتمبر، 2011

عيد ميلادى ال 19 \\ و لأول مره ..



بعد أعياد ميلاد أستمرت من يوم ولادتى لحد دلوقتى مفيش عيد ميلاد 
الا متكون نص بورسعيد معزومه ,, و الصحاب و القرايب و صحاب الصحاب 
من يوم موعيت بقى على اعياد الميلاد و أنا كل عيد ميلاد بنتظر مصيبه
 ( و تم ذكر ده بالتفاصيل  السنه الى فاتت فى موضوع مخصوص ) 
http://egyptianstudent-yasmeena.blogspot.com/2010/09/blog-post_16.html
قررت العيد ميلاد ده محتفلش و كان قرار غريب .. لكن 
مشى اليوم عادى جدا اخويا دخل عليا ببوكيه ورد و هو مكسوف 
و اختى بتاعه الثانويه اعده تذاكر مش فاضيالى 
و بما انو يوم جمعه فبابا مش فاضيلى خالص و حتى نسى يقولى كل سنه و انتى طيبه 
لكن خلى ماما تاخدنى للجواهرجى انقى حاجه و انا انتقمت و خربت بيت الراجل علشان يبقى ينسى تانى :D 
و ماما الغلبانه هى الى كانت بتحاول ترضينى بأى شكل و تحسسنى باليوم .. 
و عاوزه تبعد عنى البلوه الى بستناها كل عيد ميلاد .. 
بعتت جابت تورته من الحلوانى من غير معرف  و مجرد بنفتح العلبه لقينا



مثال على التورته مش تورته :D  
دى بلوه بس متعتبرش بلوه اوى دى بلوه مضحكه :D 
اول مطفينا الشمع اخويا العزيز دخل و نام و اختى راحت تذاكر  :D  حبك النوم و المذاكره الوقتى 
و ماما حبت تعملى جو من المرح فاخدتنى و خرجنا و رحنا الاستوديو و اتصورنا :) 
المصوراتى اللطيف فى الاخر و احنا بنقى الصور الى يعملها بقوله الصوره دى حلوه لقيتو بيقولى 
بس ماما فى دى احلى !! 
:D  طيب بالنسبالى انا شفافه مثلا ؟؟ 
كنت حريصه جدا على انى اخد صوره الساعه 11 لحظه تمامى ال 19 :D
 و اعدتهم ربع ساعه استنى الساعه تيجي 11 
اظن اهبل من هيك ما فى :D:D  
روحنا و كان بالنسبالى من اخف اعياد الميلاد الى قابلتها و اقلها كوارث 
لكن بالنسبه للشهر هو فقر مفيش فايده :D !! 

ممتنه طبعا للناس الى اتصلت بيا و كلفت نفسها ووقتها علشان مكالمه بسيطه بس فعلا فرقت معايا كتير :) 

6 التعليقات:

Bent Men ElZman Da !! يقول...

كل سنه وانتى طيبه يا ياسمين
وعقبال سنين كتير تكونى مبسوطه فيهم
ومن غير مشاكل ولا كوارث ان شاء الله :))

مدونة صفوان يقول...

كل سنه وانتى طيبه يا ياسمين

ياسمين جمال خضير يقول...

(بنت من الزمن ده ) مرسي يا حبيبتى ربنا يخلييكي و انتى بالصحه و السلامه ,, :) متحرمش منك

ياسمين جمال خضير يقول...

و أنت \ ى طيب \ ه يا ( مدونه صفوان ) :)

Sara يقول...

ههههههههههههههه
أيامك كلها كدا XXD !?

كل سنة و انتي طيبة يا ياسووو ^.^ و عقبال ميت سنة و انتي بخير و صحة و سعادة دايمًا يا رب :)

ياسمين جمال خضير يقول...

هههههههههه و انتى طيبه يا سوره ربنا يخليكي :)))

إرسال تعليق