الخميس، 18 أغسطس، 2011

لوحات فنيه , :)

ماذا تعني ( نحن نختلف عن الاخرون ) ؟؟
أرى فى تلك الجمله جانب صحيح 100 % , و تفسيري ..
لكل واحد فينا شخصيته الى ليها ايجابياتها و ليها سلبيتها
لكل واحد فينا اسلوبه فى الحياه الى ليه ايجابياته و ليه سلبياته
لكل واحد فينا مشاعر الى ليها قلب و ليها عقل
لكل واحد فينا نظره الى بتكون يا مبعديه يا تحت رجليه



لكل واحد فينا طاقه الى بتكون ياما بعد نص ساعه و تقولك البطاريه فارغه



او الى بتعد بالسنين متقولش لازم قطع غيار ..
كل واحد فينا لوحه لو مسكنا كل لوحه هنستمتع بيها و بتفاصيلها و بالتعمق فى جوانبها




لكن اللوح تختلف فى لوحه 3D  و فى لوحه عاديه ,,
فى لوحه الوانها جميله جدا و الاسود مجرد لون يحدده ..
و لوحه تانيه كلها سودا و الالوان بتحدد بعض جوانبها ,,



فى لوحه تشوفها تحب الحياه و تديك الامل و التفاؤل .. :)
و لوحه تشوفها تكره نفسك و تفشي فىك التشاؤم و الضيق .. :S
فى لوحه مجرد متنقل على اللوحه الى بعدها متفتكرش كان فيها ايه! ..
و لوحه تانيه لو شوفت مليون لوحه بعدها عمرك متنسى تفصيل من تفاصيلها !..
فى لوحه هتعينها جنب حوض المطبخ ..
و فى لوحه هتعينها فى صندوقك العاج الى اشتريته من اسبانيا ..
فى لوحه كل يوم تتمسح و تترسم فيها حاجه غير الى فاتت ,,
و فى لوحها مبادئها عمرها متتمسح و مهما مر الزمن بتفضل زى ما هى ..
فى لوحه ورقها رقيق من اقل حاجه هتتقطع و عمرك ساعتها مهتشوفها زى مكنت بتشوفها الاول ,,
و فى لوحه ورقها كانسون شخبط فيها برحتك لان مش سهل تتقطع ..
فى لوحه تتبروز و فى لوحه تترمى فى الباسكت ,,
و فى الاخر كلنا عباره عن لوحات فنيه و لكن تختلف فى مواصفتها الفنيه ,,
يا تري تحب شكل لوحتك ازاى ,, ؟؟
رسمها ..
دى متعتك الوحيده الى بتترتب عليها حياتك
 لحد متقول اشهد ان لا اله الا الله و ان محمد رسول الله

2 التعليقات:

Bent Men ElZman Da !! يقول...

ده ممكن كل واحد فينا
يبقى عباره عن كذا لوحه فى بعض
كل لوحه بتظهر فى موقف معين او فتره معينه فى حياه اى حد فينا

فكره البوست حلوه اوى
تسلم ايدك
ومبسوطه انى عرفت مدونتك :))

yasmeena يقول...

انا مبسوطه اولا بوجودك المدونه كلها نورت و زهزهت :)
اها و كل واحد فينا بيبدع فى لوحاته :)
مره تانيه زارنى النبى النهارده ,, نورتينى و شرفتى و متجرمنيش زيارتك :)

إرسال تعليق