الاثنين، 1 أغسطس 2011

الو مصر الو مصر

ازيكو كلكو هاه اظن اتكيفتو اوى من حلقه امبارح :D 
انهارده بقى هنكمل وصلتنا
أعدين بعد صلاه المغرب مستنين العشا كالعاده
الناس منظمه جدا و هاديه جدا و هووووووووووس
وفجأه يتكسر الهدوء بصوت عجيب جدا و يقول
 الوووووووووووو
الوووووووووووووووووووو
مـــــَــصــر,,  مـــَــصــر
الــــَـــو ,, الـــــــَـو يا مصر
ابص الاقى ميييييييييييييييين ؟؟
مييييييييييين ؟؟
-
-
-
-
-
أم مــــحَــمد :D
6 أم محمد أعدين جنب بعض كلهم فجأه الى نزل عليهم يتكلمو فى التلافون :D

ألو أيوه يا فــَرح أزايك عامله ايييه ,, و ازى سيتك هاتيها كليمها
أيوه يا أما عامله أيه و أزي سعيد و عياله و أزي - - - - - - - ( فهرس الاسماء كله أتكر أدامى )
ألو أيوه يا مـــحـَمد عامل أيه و ازى العيال مش عاوزين حاجه من هنا انا عند الرسول ( اللهم صلى عليه )
ألو أيوه يا نهي أزيك عامله أيه و أزي العيال
كابينه تليفون شغاله يا ربي ادام عينى :D :D :D و كلهم فتحو مره واحده
ولا اكننا اعدين فى جامع ’ عاوزه اقلكو ان الجامعه كلو كان بيتفرج  المشكله ان كلو مش فاهم هما بيقولو ايه
بس كفايه المنظر !!! :D 
,,,,
اكتر كائنات حلوه شوفتها
الاطفال الاجانب اى كانوا بقى تراكوه ايرانيين يابنيين
حتى العرب من كوايته و سعوديين و امارتيين
اطفال مطرح متسبهم ترجع تلاقيهم
هاديين جدا و مبيزنوش زى ماحنا متعودين على الاطفال

علامات تعجب رهيبه كانت عندى من اطفالهم
اتفرج بقى على الطفل المصري تلاقيه زوره مفتوح فتحه لا تقل عن 30 سم


و صوووووت و لا صوت المكنسه الكهربا و هى شغاله
و طول مهو اعد عمال يزن يزن يزن يزن
و لو حد اتهبل فى مخه  و جه يلعب معاه يعيط و يبهدل الدنيا اكنك هتخطفه
و ميحلالوش الصريخ الا اول منبدا صلا


 تلاقى الاطفال المصريين بيعزفوا سمفونيات
واحد وااااااااااا و التانى وعععععععععع و التالت ععععععععععع و الرابعه ااااااااااااااا
و الخامس مامااااااااااااااااااااااا ماماااااااااااااااا و لا اكنه تايه  الخ الخ الخ ..........
ام رضا بتصلى مهياش فاضيه و سايبه رضا يعيط و يطلع ناس من تركيزهم فى الصلا
و ام محمد شايله محمد و هى بتصلى  و عمالى تطبط عليه يا عينى
لكن شتشتشا ودى ست من السودان كانت جايه رابطه ابنها على ضهرها
و كانت بتصلى جنبى لزق شتشتشا ام شلولو :D شلولو مسبناش نصلى منو لله :D
المشكله ان الست لما بتسجد العيل بيتقلب قلبه السنين اكنه فى الملاهى بالظبط :D
و الله كان صعبان عليا و اول متسجد هو يصووووووووت و هى و لا اكن فى حاجه
بيلعب شألباظات :D  هى تسجد و هو راسه تبقى تحت و رجليه فوق اكنه بيزحلق على زحليقه :D غصب عنى عينى جت على شلولو من كتر مهو عامل دوشه و احنا بنصلى لقيته بيدحك كمان مش بيعيط :D  لا و متكيف جدا جدا بس بيدحك و يصرخ يدحك و يصرخ ,, فكرنى باغنيه الدنيا زى المرجيحه يوم تحت و يوم فوق :D 
تخيلو بقى لو طفل مصري مكانو كان عمل ايه ,,
كان زمنتو قلب الحرم كلو و مش بعيد يرجع على مامته :D
الاطفال المصريين دول نسمه كده نسممممممه متحس بيهم ملايكه يا ربي :D
عارف الحاجه الوحيده الى يسكتوا بيها ايه ؟
تاكلهم :D لو لقيت عيل و فى ايده اكل 90% مصرى
تلاقى بقه مبيقفش  عياط شغال صويت شغال
اكل شغال  ,, مبيحبوش يضيعوا وقت :D
ملحوظه\\ شتشتشا كانت رابطه ابنها على ضهرها بطرحه مش زى الدلع الى عندنا حاجات مخصصه :D  الحمدلله طلعنا متقدمين فى حاجه

طبعا رغم دوشتهم و ارفهم الا انهم عيالنا برضو مش هنتبرا منهم يعنى
امرنا لله و بعدين اكيد كنا مؤرفين زيهم برضو و لا ايه ؟! :D
اتمنى اليوميه تعجبكم
و الى ان القاكم غدا لكم منى كل تقدير و احترام :)

2 التعليقات:

Sara يقول...

و ايه لزمة الأطفال أصلا في الحرم :D ?

هو قلق و خلاص ؟

بس معاكي حق ... الأطفال المصريين دوشة أوي ،، معرفش ليه كدا بقية عن كل أطفال الخلق XD

جميلة التدوينة ^^

مستنياكي بكرا يا عسل ^.^

تحيتي ِّ~

yasmeen gamal khodeer يقول...

هههههههههه سوسو منوره يا روحي و الله
بس ايه رايك شوفتى كده قبل كده ؟؟! مظنش :D
و انا هستناكي بكره كمان :)

إرسال تعليق