الأربعاء، 10 أغسطس، 2011

فانوسي .. الى جدو جبهولى ..

فانوسي ,,



الفوانيس بقت اشكال و الوان اشي صنع فى الصين و اشى صنع فى تايوان
لكن انا لفانوسي شروطه الخاصه ,, تطلع تنزل لازم حاضره ,,
ولا يكون كرومبو و لا بطوط و لا يغنى ماكرينا و لا ظلموه ..
فانوسي يغنى حلو يا حلو ان مكنتشي . فثانك يو ..
فانوسي مبينورشى بزرار ده لازمله شمعه ملحوقه بباب ..
و ان مكنش الباب ده حديد فخدو بدلو من عند عم عيد ...
فانوسي ده مش اى فانوس ده لازم جدو الى يجبهولى ..
الو يا جدو فين فانوسي ,,, بشمعه و باب و لونه فيروزي..
عاوزاه فى شنطه مش كرتونه و يكون ازازه معليهوش صوره ..
انا عاوزه واحد يكون قديم من ابو شمعه ده و باب حديد   
و يكون ليه حته حديد من فوق امسكها منو و الفو و ادور
 
و اغنى وراه حلو يا حلو و اقول لبابا شوفت فانوسي
ده فانوسي ميبقاش اسمو فانوس لو مكنش جدو يكون جابهولى ..
و وحوي يا وحوي  و رمضان جانا و حلو يا حلو و قولو معانا اهلا رمضان .

2 التعليقات:

7amed يقول...

اهلا رمضان :)) أمتع حاجة قرأتها النهاردة بجد :) جميل جدا وراقى :)

yasmeena يقول...

:) مرسي جدا ,, سعيده أنها عجبتك . :)

إرسال تعليق