الأربعاء، 3 أغسطس، 2011

جتكم الارف مليتو البـــــلد ..

لكل ظالم يوم .. و الظلم عمره ميتنصر بجبروته ..
قصه الخير و الشر مهما طالت 30 سنه فاكيد ليها حد ..
أوعى تفترى على ضعيف يوم لان ضعفه هيكتسب مناعه و يتحول قوه ,,
أوعى تحوج محتاج لانو هيكتسب مناعه من حاجته و يخليك انت الى تحتاجله ,,
أوعى تفتكر نفسك حاجه ملهاش زي لان كلنا من غير بعض و حبنا لبعض و ودنا لبعض أسفه فى اللفظ ( و لا نسوى )
بطل تقول حرام و احنا اسفين يا ريس لان ده مش حقك اكتر مهو حق ناس تانيين احق بيه منك ..
أهالى الشهدا : ام مات ابنها الوحيد - أب ماتت بنته الوحيده - اب مات لاطفال صغيرين لسه مش مستوعبين ان باباهم معنوش هيشوفوه تانى
الناس الى مبتلاقيش الاكل الا كل يومين تلاته فتفوته ,, و الناس الى اعده على الرصيف مش لاقيه شغل مع ان البلد محتجلهم و محتاجه لايديهم ,,
الاب الى مش عارف يصرف على تعليم ولاده و اضطر يخرجهم من مدارسهم ,,
بذمتك مش مكسوف من نفسك و انت بتقول اسف يا ريس ,,..
اعد حاطط رجل على رجل و تقول اسف متتاسفش لان مش حقك الى اتغلط فيه و مش حقك الى اتاخد
انت اعد معزز مكرم و 24 ايراط عايش كويس و مبتبصش للى اقل منك
بس فوق بقى علشان ميجيش اليوم الى ربنا يدوقك فيه الى ابتلاهم بيه و ساعتها تقول اسف انى قولت اسف فى يوم ,,
أنسان انانى بتبص  لنفسك و بس ,,
عارف الى واقفين فى ميدان التحرير دول واقفين ليه ؟؟
واقفين علشان يجيبوا حق الغلابا واقفين عشان يجيبوا حق اهاليهم الى اتقتلو
اسالك سؤال لو واحد موتلك بعد الشر يعنى باباك و لا ابنك ,, هتسيبه ؟؟
........................  متجاوب ؟ هتسيبه ؟؟ 
أنا اجاوبك بقى ,,,, ده انت هتقوم الدنيا و تقعدها و هتصمم تاخد حقه
طيب أيه بقى باصص لنفسك اوى و مش هامك الناس الى عاوزه تاخد حقها و تقول عجله انتاج و روحوا بقى
يروحورا ازاى يعنى و الى قتل عيالهم و الى خلاهم مش عايش عارفين يلاقوا العيش حتى ياكلوه لسه متحاكمش لحد دلوقتى
ممكن تقولى انت عايش ليه فى الدنيا ,, عايش بانانيه , كل همك مصلحتك و بس
شئ مقزز جدا على فكره لما تلاقى واحد بيقول للى فى الميدان متتلموا بقى و مشوا عجله الانتاج
 انت انسان انانى .............................,,, و الله يرحمك يا انسانيه
طيب بلاش شوفت المحاكمه ,,؟
اكيد طبعا .. اظن كلنا كنا فاكريين ام هيبقى منكسر و زعلان و مضايق
و انو هيعيط بقى و يتمسكن علشان يحنن قلبنا عليه
لكن المفجأه بقى كانت اكبر من كده بكتييييييييييييييييييييييير


الجبروت
العنتظه
و البجاحه
و التناحه


لسه فى دمه  هو و ابنه الى كان ناوي يتحكم فينا من بعده


كل برود و كل عنتظه و منخيره فوق 
انا انكر كل الاتهامات الموجهه الى
بذمتك راجل فى السن ده و بيكدب قتل من النفوس الوف و الله اعلم كام العدد
و هو و لا مانب نفسه و لا زعلان و لا بيخاف ربنا
يبقى يستاهل ايه !!
أنا ميكفنيش فيه الحرق !!؟؟
ده الحرق رحمه ليه و الله ..
ربنا يرجعه حق كل شهيد و يطفى نار اهله
ربنا ينجد الناس الى نزلت تحت خط الصفر ووصلت للماينس خلاص
ربنا يقوم مصر بالسلامه لانها على سرير المرض سابها عيانه و فيها بلاوى
محتاجه تتعالجى يا مصر بعد المرض الخبيث الى كان فيكى
و أنت يا بتاع أسف متبقاش تتكلم و لا تسمعنا صوتك الحلو ده الا لو ليك حق
انما شئ ملكش فيه حق خلاص نقطنا بسكاتك
جتكم الارف مليتو البلد !! :\

4 التعليقات:

Roma يقول...

bgd 7agaa mostafezaaa
daaa kaan na2ees ys2aloo entoo 3amlyyn l mo7akmaa dyy leeeh
f3laaan bga7aa w tna7aaa
rbnaaa yostoor
w rbnaaa isaa haya5ood 7aa2 koool wa7d mazloom we 7aaa2 kool l shohadaa2

yasmeena يقول...

ان شاء الله ربنا ياخدو و ينصرهم و ياخد اعدام علشان يعرف يستخف بالناس دى كويس اتفو على ده شيطان ده غلب الشيطان على الاقل الشيطان مبيقتلش

abdullah yasser يقول...

فعلا , جتكم القرف مليتوا البلد , بس على فاكرة هو مش هياخد اعدام ولا أي حاجة , ولا هو ولا ولاده , اللي هيلبس الموضوع كله هو حبيب وحسن عبدالرحمان والباقي , انما جمال وعلاء ومبارك نفسه , احتمال سجن وخلاص , واحتمال أصلا عبال مايخلصو القضية يكون هو خلع وراح لوجه كريم هيعرف يحاسبه كويس , بس كلامك حلو جدا , هو ده الكلام اللي يتقال للناس بتوع اسفين يا ريس بجد , عالم معندهمش أي كرامة , وربنا يديم المعروف ;))

yasmeena يقول...

دكتور عبد الله , يا هلا يا هلا :) ,, اها هو فعلا حبيب العادلى شكله هيبقى كبش الفدتا الى هيهدوا بيه الناس بس الناس واعيه و مش هبله اوى كده هما واخدين بالهم و ما شاء الله انا شايفه ان حته اقل مستويات التعليم فهمين جدا يعنى مبيتعاملوش مع شعب عبيط من الاخر ,, ناس غير ان معندهاش كرامه عاطيه لنفسها حق مش بتعها :\ يلا خير خير هنتكسى ,, منور يا دوك :)

إرسال تعليق