بتكشر !!
طب فينها الضحكه الى صبحت زاهقه من التكرار
و فينه الأمل الي كان موجود و لا طار ؟!
بتكشر !!
ليه هي ناقصه ؟
قالوا المصري بطبعه عنيد
و عنده نفس يقنع و يهاتى
فين العناد فى وش العباد
و لا احنا بنتغير فى الطبع يوماتي
بتكشر !!
ليه هي ناقصه ؟
طب أقولك حل يا عم الحج يمكن يفيد
أوعاك تصد و خليك فرش
هترتاح أكيد
بتكشر !!
ليه هي ناقصه ؟
لله يا محسنين ضحكه تفرح
تديني أمل و انا مروح
أدخل بيها أيدي مش فاضيه
فتصبح المدام عليا كده راضيه
بتكشر !!
ليه هي ناقصه ؟
أستني هقولك أخر حاجه
أصلاً هي مش محتاجه
حاسب حزنك يموتك
و يكفنك في كفن الغم
و حاسب لقلبك ينكسر
و يطويك في تابوت الهم
و لسه بتكشر !!
هي كده كده معنتش ناقصه !
ياسمين جمال
3\5\2013
1 التعليقات:
لله يا محسنين ضحكه تفرح
تديني أمل و انا مروح
أدخل بيها أيدي مش فاضيه
فتصبح المدام عليا كده راضيه
جميله و بخاصه البنت اللى فى الصوره و دا ميمنعش طبعا ان الكلام جميل
تسلمى
إرسال تعليق