الثلاثاء، 7 فبراير 2012

فك التكشيره ;)




تلت تربع البنى ادمين دلوقتى مكشرين و مسودين الدنيا و انتشرت اوى الايموشنات دى :( , :'( , :S , :\ , :O , O.o بقت كل الناس بقها على حرف اس و كل الناس مبرأه و كل الناس بتعيط و كل الناس زعلانه و كل الناس عاوجه بؤها ,, مقولناش حاجه الظروف مش حلوه بس عمرنا مهنعرف نغير ظروفنا للاحسن طول مبؤنا معووج و على شكل حرف اس و طول ما اعدين بنسح و عمالين نستهلك فى مناديل ( مصر قربت يبقى عندها عجز فى المناديل :D )
بعد كده هنسمع عن بياع الامل و التفاؤل ( ممكن ربع كيلو أمل و كليو و نص تفاؤل ) !!

فك التكشيره لانها عمرها مهترجعلك الى راح منك
فك التكشيره علشان لو ربنا أبتلاك ده معناه أنو بيحبك حد لاقى ربنا يحبه يا ناس
فك التكشيره علشان ربنا قال إن مع العسر يسرا
فك التكشيره علشان تستقبل اليسرا بقى كده بدل متطفش منك بام التكشيره دى
فك التكشيره علشان طول ماحنا عندنا امل عقلنا بيتفتح اكتر و بنلاقى الحلول اسرع و بنطلع من مستنقع الاكتئاب الرهيب الى بيغرق الواحد
فك التكشيره علشان شكل ضحكتك أحلى بكتير من تكشيرتك :))

ياسمين جمال .
8\2\2012

2 التعليقات:

Sara يقول...

فك التكشيره علشان شكل ضحكتك أحلى بكتير من تكشيرتك :))


جميلة أوي يا ياسوو :)

تسلم ايدك =)

yasmeen gamal khodeer يقول...

ربنا يخليكي يا سوره :)) منوره بقى بجد ^_^

إرسال تعليق