الثلاثاء، 4 سبتمبر 2012

مفيش حاجه أسمها "عانس"














" أقسي على قلب بدل متضطر فى يوم أنك تقتله  " 
متعلقيش واحد بيكي علشان أنتى عاوزه عريس وخلاص علشان خايفه تعنسي ! 
و ظهرت الظاهره العجيبه اللون الغريبه الشكل للمسروعات على الأستقرار و معايشه قصه حب عندها ألتهابات
البنت من دول أول ما ولد يقولها  ( بحبك ) متصــــــــدق و تكلبش فيه و تقولك أصل أنا أش ضمنى أن ممكن يجي واحد بعده و متصدق و هى أصلا و لا تعرف شخصيته و لا تفكيره و يمكن عارفه الحاجات دى و شايفاها مش متوافقه بس بالغصب خلتها متوافقه مهى عاوزه أى واحد و خلاص المهم واحد يلبس دبله مكتوب عليها أسمها و هى تحط اسمه على دبلتها و تتشعلق فى دراعه أدام صاحباتها و تتنك عليهم و هى بتقلهم أنا أتخطبت !! و يمكن من قبل ميتخطبوا يجلها واحد أحسن منه و يتقدملها او يقولها حتى بحبك تروح  تسيب الغلبان الاولانى و من غير سبب تقوله احنا مننفعش لبعض و مش متوافقين اه بتحصل و الله ده بقى الجبروت ! 
و بعد متتخطب للتانى تقوله شوفت سمير جاب لسميره أيه فى عيد جوازهم شوفت أحمد جاب أيه لمنى فى عيد ميلادها  شوفت مش عارفه مين جاب لمراته طقم الماظ كامل :S مهى مجوزاه مش حباً فيه لا دى كانت خايفه تعنس بس ! 
حاسه بأيه أنتى يا الى بتعملى كده ! أنتى متعرفيش أن ده قلب إنسان و من الأخلاق المحترمه للبنت بردو أنها متظلمش واحد حبها يعنى 
قوليله من دلوقتى انكو متنفعوش لبعض أحسن متعلقيه بيكي و لما يجيلك احسن منه تسيبيه ؟ تفتكرى أنتى مش هتاخدى ذنب لا هتاخدى لأنك ظلمتيه من غير ميعملك حاجه وجعتيه ! و ما أدراكى و ما عقاب الظالم يوم القيامه ...... 
على فكره من الحيوانيه بس أنك تقبلى بواحد لمجرد انك خايفه تعنسى او يفوتك تاكسى الجواز ! 
أه من الحيوانيه لأنك بدل متبصى للتفكير و التوافق والشخصيه و الفكر بتبصى لورقه هيتكتب فيها انك مجوزاه و 80% جواز محكوم عليه بالفشل من كتر مهو مش راكب ! 
خليكــــــــــــي بنى أدمه محترمه توزنى تقلك عقل يوزن بلد و شخصيه ممتازه و تفكير محترم و خلى الناس تحترمك و أحترميكي أنتى كمان و أول مهتحسى أنك بتحترمى نفسك عمرك مهتدي نفسك إلا لحد انتى مقتنعه بفكره و عقله و مبادئه و شخصيته 
أهتمي بنفسك و أحترميها أهتمى بيها مش بالميكب و الروج و البلاشر و الباودر و الأى لاينر  أهتمى بيها بالعقل الموزون و التفكير الصح المحترم و الرقى الفكرى و المبدئي ...... غيري جواكى الأول و براكي أمره سهل  
متجرحيش إنسان كل ذنبه أنه حبك علشان أنتى عندك عقده و خايفه من بع بع العنوسه 
المجتمع غلطان غلط أولى لأنه هو الى خلقلك العقده دى بس لو المجتمع غلط لازم أنتى يكون عندك المضاد النفسي الكافى لأنك تنبذى مبادئهم و مصطلاحتهم الغلط بدل متخافى منها و تجاريها 
متجاريش إنسان قالك أنو بيحبك لمجرد أنك شايفاها فرصه للتخلص من لقب أنسه أوو عانس لأنك هتوجعيه لما يكتشف أنك مش مقتنعه بيه و مش حاسه بيه و مش بتحبيه قد حبه ليكي 
أنا مقره و معترفه أن نسبه البنات دى مش كتيره أوى قد نسبه مثلا حاجه زى الولد الى بيلعب بالبنت بس طالما ظاهره و موجوده يبقى لازم تتناقش و لازم الحق يتقال أى كان فى صف مين أو ضد مين ! 


لـــ ياسمين جمال 
5\9\2012

4 التعليقات:

mohamed يقول...

مش عارف ليه يا دكتوره شامم ريحة واحدة صاحبتك فى الموضوع وكأنك موجهالها الكلام

yasmeen gamal khodeer يقول...

أنا شوفت كتير بنات اعرفهم و معرفهمش و سمعت حكايتهم و ناس اعرفهم من بعيد لبعيد و شوفت نظرياتهم أنا ممكن أكون عشت حاجه زى كده بس لما أتصرفت صح زى مضميري يملي عليا الطرف الأخر مقدرش ده و أتعامل بأسلوب من وجهه نظرى مش متحضر فأنا شوفت الموقف من الجنبين يعنى و شوفت بعيني البنات الى اتكلمت عليهم
بس و الله هو مش موجه لحد بعيمه هو موجه للفئه بوجه عام

عُلَا وَتَدْ ~ يقول...

المجتمع ظلم المراة بشكل كبير
وجود كلمة عانس ونظرة المجتمع لبنت وصلت 28 سنة مش مخطوبة على انها فاتها القطار تُجبر الفتيات على التصرف بهذه الطريقة!
بعض العادات والافكار السامة المتأصلة بمجتمعنا سبب في تصرفات مبنية عليها ومؤذية!
واحنا جيل التغيير..
ومننا يبدا!

مسلم مصرى يقول...

خلينى أكلمك بكل صراحة اللى بشوفه فى المجتمع حاليا عكس اللى بتقوليه البنات بتكذب وتضحك وتخون أكتر من الشباب ، ومبتستناش الولد يجى ويقول بحبك لاااا هى بتبدأ وتنهى وتعمل كل حاجة ، وممكن فعلا تكون بتحبه بس بتبيع مع أول واحد يخبط على بابها !! ، مش معنى كدة إن كل الشباب ملايكة لا طبعا التسلية والصحوبية عند الولاد بقت زى كوباية الشاى الصبح اللى ميقدرش يستغنى عنها !!

إرسال تعليق